逢係進入有地氈的地方,實俾蝨咬,痕到頂唔順,求有效防蝨用品或方法,多謝!

去藥房或超級市場買d煙霧滅蝨器,殺牠死幾好架.不過貴d.好似60蚊左右.有d其他牌子.不過無咁好.通常一間房一個都夠了.
都係門開個蓋,撕開執膠紙,個放d水到佢比你個界線.立即放o係房間內.就好關門啦.最好出街行下.等佢個過程完左先好返屋企.通常都係8~10個鐘.之後你返到屋企.冇味架.咁掉左個垃圾就得啦.如果d蝨太多.一次唔得.可以試多次.或者o係房門口用d唔要既毛巾塞住.等佢d煙霧唔好滲走.
不過要記住.整之前.將d食得既野拎走.電腦,電視.音響器材用膠袋或者垃圾膠袋封一封會好d..
不過如果你話你去到邊咬到邊,又真係好難預防.

你可以到藥房(有藥材買果d舖頭)買沙薑粉,去蝨好有效,我屋企都用緊,好平!!幾元就有一包,要買粉狀不要一粒粒的。你可以帶返公司或預先塗在腳上用(由於係粉狀塗上腳可能唔上粉,你可塗上潤膚霜後再塗沙薑粉)，幾方便，試試啦!!

2006-11-29 16:10:45 補充：
記住：唔係用來煮果d沙薑粉喎!!

可以試買殺他死煙霧殺蝨劑先, 情況無改善可以上網search下的滅蟲公司, 問下佢有無0的勁0既殺蝨劑!!

http://www.hkpma.org.hk/ecmanage/eccm/cat_972.php

但記得用之前要, 關好窗, 仲要儘快離開呀, 因為到底都係化學野會刺激腦部架