邊套日語書較全面,好用

✔ 最佳答案

1、想買一套日語書黎自學,但唔知邊套比較好?本書最好教發音同文法都兼備,有練習等,

<1>日本語言學校的教材多用《新日本語基礎I、Ⅱ》，我記得有初級I、II同米中級、高級之分。呢套的特點係文法好清楚，排版都好靚，有練習，有tape，但係有一個缺點就係全部日文編寫、沒有中文解釋。呢套係日本教師常用的教材。

<2>另外，如果你識睇簡體字，可以去簡體書店或者去深圳的書店買一套《標準日本語》（黃色、有tape配，你可以順便買複讀機返嚟聼架），呢套係中國中央電視臺的電視教材，唔知依家係米有出cd，呢套就有中文解析同米比較全面，都有練習同米教你讀音、文法，成套教材基本上唔會有乜錯版或文法錯誤，都好標準ge

2、仲想一年後考日語個2級試,一年時間應該要點準備先應付到個2級試?

多俾d時間努力d學，一年都有可能考到2級，至於點準備——就係多聼（tape\cd）、多讀（習慣用語\長篇文章）、多睇（生字\字典\日本原音電視劇vcd or dvd）

希望以上解答可以幫到你ar.祝你早日考到二級。

另外仲想提醒你，最好都係背熟五十音圖先再學習生字、文法，因爲學日文唔識五十音，想靠拼讀音發音就好似學英文的人唔知“a、b、c……”點讀一樣。

2006-11-28 13:58:43 補充：
上面講的第二套教材（簡體字個套），你可以睇下以下網址——http://www.pep.com.cn/yxsbzrby/如果去深圳買複讀機，可以選擇“步步高”、“小霸王”、“清華同方”，呢幾個牌子都唔錯，好用，清晰，不過買個時一定要試聼。另外可以買多d練習返嚟做，對考試都有幫助。

2006-11-28 14:01:19 補充：
上面個網址好似係tape，呢個先係書——http://www.dfm-xf.com.cn/bulletin/japan.htm《标准日本语》28.80元（上、下册）

回答 (2)