bb狗食左杜蟲藥係咪一定會痾???

食完會痾虫虫出黎架, 有虫會痾爛便, 你唔比佢食仲大鑊, 生虫會唔健康, 又無營養, 都唔知係咩虫, 梗係要杜佢出黎啦, 你唔幫佢杜佢會痾血架, 通常痾兩日就正常, 虫有菌架, 如果D虫有狗瘟菌, 你狗狗感染病毒機會會大好多, 你快D幫佢杜虫啦, 又係醫生開, 你唔洗咁驚啦

醫生比得你就唔洗太驚！
食杜蟲藥好正常好普通，
係必須程序，幾個月要杜一次！

食左痾係正常，
因為如果有蟲會痾埋出黎，
無蟲都唔會有影響，
只係d屎會爛少少，
如果你夠膽睇下，
會睇到有無蟲！

你剛買回來不到4日，
除左杜蟲仲要打預防針及做身體檢查，
check清楚有無暗病！

買嘅時候買隻可以杜多款蟲嘅-例如bayer,fido.
平嘅$50度但嗰d冇乜用,但係貴嘅都唔會太貴$70-80已經好好架喇.
杜蟲要睇磅數,同埋佢依家已經有蟲,所以你同佢杜一次後7日再杜多次先杜得清架,記得要空肚杜


千其唔好貪平買散裝因為唔知有冇過期&有冇被其他嘢感染 汽巴只可以杜條蟲同扁蟲,足節蟲,係杜唔到鈎蟲.

鈎蟲會鈎喺d腸度,唔杜出嚟嘅話狗仔會間唔中有d帶血嘅便便,仲影響狗狗嘅吸收

狗狗是0-6個月的時候,必需每個月要食1/4粒杜蟲藥的, 但6個月大之後, 是每3個月食1/2粒一次, 一歲之後是每半年食一粒的, 因為BB狗的抵抗力無咁好, 驚佢有蟲後會影響消化系統, 所以食得密D同份量不可以太多, 杜蟲藥是按照狗的年紀同份量黎杜蟲的!