我讀完美容出黎~但係就搵其他工~咁應該點講呀??

亞女, 你係咪中五一畢業就讀左一年美容, 跟住就開始從事美容行業架, 其實你講既說話中, 睇得出, 你好fresh, 不過就好有自己既style, 我相信你應該有d小聰明tim

講真, 全世界有邊一個行業係可以唔辛苦又搵到錢同前景呢, 有一句說話係 : 天下沒有白吃的午餐, 意思即係世上冇嘢係可以不勞而獲架, 你爸爸媽媽一樣好辛苦至可以養到你咁大, 仲供埋你讀美容, 咁唔通佢地兩個就會因為辛苦, 所以放棄唔養你咩, 唔會架, 係咪 ?

而且唔單單係美容行業唔做銷售, 就算你做文員, 你都要學識銷售架, 起碼你去見工既時候, 你要係一個陌生既老闆面前, sell佢點解要請你先啦, 到你返左工後, 你都要好勤力去做好每件事, 去sell老闆升你職或者加你人工架, 有時公司生意唔好, 就算你只係負責文件, 可能要埋你出街幫手派文件, 你肯做, 老闆就加你人工, 你一樣會去做架, 你要sell佢加你人工呀

況且你只係學左一年, 經歷應該唔多, 咁以你呢一刻既條件, 又值得人地俾幾多錢請你呢, 你連第一步都唔可以認真咁行, 又點會有人工高果日出現呢, 冇可能因為你今日冇經驗, 又好fresh, 人工就好高架, 咁對做左好多年美容既人, 好唔公平架喎, 係咪?

亞女, 其實係你選擇美容之前, 你有冇好詳細考慮你自己會唔會認真去學呢, 口才我唔敢講, 你一日唔肯開口訓練自己, 就算教左你都冇用, 係咪? 但係其他既問題, 好似係你既處事方式問題多d, 而且講真, 今時今日係香港做嘢, 唔係下下講吹水就得, 當然有一d行業, 表達能力強會更有幫助, 如果你連讀左一年既美容, 有埋訓練俾你, 你都覺得你既口才唔得, 溝通唔到個客, 咁我好担心你見工面試時有冇口才去吹水, 點話俾你個老闆知你有咩工作經驗呢, 而且你咁做, 好似唔係好尊重做地產行業既從業員喎, 你知唔知從事地產, 都要考牌架, 一樣係一個好專業既行業黎架, 就算冇工作證明, 你都應該有個地產牌架喎, 如果你見工時個老闆要你拎個牌出黎, 你又點講呢, 又再吹水呀, 唔係啩

何況因咩原因你會冇工作証明呢, 因為你做唔到生意, 定係態度唔好, 所以以前個老闆唔出工作証明俾你呀, 咁咪即係叫個新老闆唔好請你,

亞女, 雖然我係路過, 見到你呢個問題, 係一個唔應該出聲既情況下出聲, 甚至你會好唔滿意我咁答你, 但係我只係想俾你知, 你要對你自己所做既每一個決定負責, 不論個決定係啱定錯, 更唔應該用另一個藉口去遮掩之前果件事, 你要學識呢個世界唔係下下靠小聰明同吹水就可以過骨, 你要知道係香港做得老闆既, 個個都食腦架, 佢地呢一刻一定聰明過你, 起碼佢已經係老闆, 你未係, 要吹水, 佢地仲勁過你, 你又點可以係佢地面前斑門弄虎呢

我最担心係, 如果你仍然抱住呢個處事既方法同態度去做嘢, 你將來就冇哂信譽架喇, 知道嗎? 信譽係用錢都買唔到架!