去昂平除左有纜車仲有d咩玩嫁??

靈猴影院播放的是一套動畫（即卡通）影片，主要講三隻猴子在石神像上偷水果的故事，是根據佛教本生經經文意義而改編，影片全長約19分鐘，不過沒有對白及字幕，只能意會領略影片的含意，不過本人就沒有慧根，睇完都唔知佢想講咩，真是罪過！罪過！不過影片音效就好正，立場聲配合得好好，都值得一看的。不過自認無咩慧根就最好慳返，免得睇完叫搵笨。
而昂坪市集就只有購物及飲食設施，園景建設好一般，不過間中有中國民間藝術如雜技表演，只在星期六及日。以及有人扮靈猴供大家拍照。其實昂坪市集，可觀性一般。所以就建議行埋昂坪其他地方。如寶蓮寺及天壇大佛，上大佛睇風景都唔錯，有緣可以睇彭舍利子，就在大佛內的展覽館有得睇，不過就要有緣人才睇到，神唔神奇。
另外可以去心經簡林。《心經》是儒、釋、道三教共尊的寶典，經文簡約，僅有260字，但寓意深遠。為弘揚《心經》真理，國學大師饒宗頤教授於2002年完成《心經》墨寶，並贈予香港市民。由於整篇書法分別刻於多條木柱上，以大型戶外木刻的方式展示，近似古時書於竹簡，因此名為「心經簡林」。 喜歡書法及佛經的朋友值得去看。心經簡林現時有維修工程，因為木柱受蟲侵蝕，需要在外層加防蟲設施，不過沒有封埋，所以仍是可以去看，不過拍影就要就下位咁。
最後，個人建議昂坪其實唔夠一日玩，最好就預埋去大澳影相同買咸魚，行程就唔會太悶。

昂平市集，很多達官貴人，已經到過，如何志平等。