出糧的辦法

你可考慮把每月出勤日的截數日推前，即是每月截數日不定如每月最後一天，可定在每月25日或再早的日子。但不要太早，否則那會產生不能有效顯示該用的出勤記錄。

如你知道老闆多在月尾那幾天會在公司，那你便定於該幾天之前，即你知老闆多在每月27至30日在公司，那你可定截數期在27日前，如25或26日，因你也需要有足夠時間計算，及交到老闆處審批。

計算方式：以25日為每月截數日，十一月份薪金周期為：上月（即10月份）26日至本月（即11月份）25日，其間如有同事需請假，你便按該同事的薪金扣除應扣薪金。

如老闆會於月尾出差，你便要先請老闆簽一定量空白支票，可先填上抬頭為各同事姓名，但不填上銀碼，其作用給老闆知道你不會亂使用該些空白支票。及後你用 excel 做一報表，詳細報告有關同事之出勤及扣減請假後的薪金，再以電郵發出，要求老闆以電郵回覆是否批核。要求老闆電郵回覆，作用是有根有據，如日後真的有問題發生，也可以有真憑實據。

又或者你再可提議他，先計算當月已過去的日子，及假設未來日子沒有同事請假，做一基本草稿，使老闆參考及心中有預算。這樣做法可令他增加對你的信任，再要求他簽發空白支票的成功率理應同樣增加。當然，到你能計算真實的薪金後，最好重覆上述方法，以電郵通知及要求回覆後，才發出支票喔！

如果依你公司的情況看, 你的老闆希望每月5號才出糧, 好像又是一個好辦法, 這樣便能清楚這個月有哪幾個員工請了假, 在翌月的5號前計清楚, 哪個員工要扣人工, 哪個出全糧
當然對於打工仔來說, 有邊個鐘意D人工拖到第2個月先有得攞, 不過在勞工法例來說, 你的老闆無錯, 佢亦無觸犯勞工法例, 按照勞工法例, 僱主必須在工資期最後一天開始計算, 不得遲過工資期後7天支付薪金, 例如你的公司的工資期是每月1號至30/31號, 即是說你的老闆最遲在翌月7號要出糧, 但他打算在翌月5號出糧, 因此他是沒有犯法 (勞工法例就係咁架啦, 香港的勞工法例永遠保障僱主, 而唔係保障僱員)

辦法只有4個

1. 叫他簽定支票, 然後將支票交俾其中一個職員, 到出糧日, 如果佢不在公司, 咪叫那位職員把支票分發給你地 (當然果個職員一定要係會計的人員, 或人事部, 總之係知道你地每一個人的人工果個), 到左第2個月才扣掉本月請假的員工的人工

2. 又或者叫佢開定支票俾你地每一個人, 日期係寫出糧日, 例如11月20日開始2個星期不在公司, 叫佢寫定支票, 支票日期寫11月30日, 咁你地張支票係11月30日才能兌現, 佢都無損失, 同樣地到左第2個月才扣掉本月請假的員工的人工

3. 再唔係, 咪叫你老闆唔好咁小氣, 好多公司都可以俾每個員工一個月有兩日病假 (有醫生紙唔駛扣錢, 第3日病假先開始扣錢), 一般人都唔會咁離譜每個月請多過2日病假掛? 係每個月喎, 唔係偶然, 咁樣咪唔駛下下計扣幾多人工, 每個月出全糧, 佢又唔駛計得咁辛苦, 員工又開心, 如果有人個個月請成幾日假, 呢D人都要炒啦 (個個月都要請幾日假的人, 擺明都唔係做野既)

4. 第4個方法, 就係無得揀, 用番佢條橋, 翌月5號先出糧

依我看, 第4項的機會率係最高, 因為老闆永遠會覺得自己想出來的方法係全世界最好既, 你地班員工想出來的, 永遠行唔通, 亦唔好 (無辦法, 鬼叫佢係老闆)

2006-11-27 11:18:51 補充：
你有興趣的話可以瀏覽下列網址的所有勞工法例http://www.labour.gov.hk/public/pdf/wcp/ConciseGuide/03.pdf

按照勞工法例, 僱主只要在上一個工作週期完結後的 七個工作天內 付清薪金比員工即熟合法, 所以理論上黎講你老闆並冇處理不當
最黑仔既情況係:
某月31號係星期5, 而又連續有幾日假, 有可能遲多過1星期都唔奇, 亦屬合法,
某程度上黎講如果不論5號是否假期都出到糧既話已經比上述情況為好...

建議同老闆傾 "當月所有的請假會於當月的人工扣回" 內訂立一個日期, 於該日期前請假先會扣, 該日期後請假就順延下個月
e.g 訂立日期 為每月 25號,
若果你在 上月25後至本月25號前請了2天假, 便會扣2天工資
不過...當然...你老闆亦有權否決此建議...

叫佢用銀行轉帳吧. 就算不在香港也可利用網上銀行轉帳. 而且請假不是有有薪假期的嗎? 為什麼請假要扣糧呢?