教我如何橫刀奪愛

如果佢已經開始唔show你, 咁你就當俾d時間冷靜下自己。
用返平常心態去對佢 (我知好難....)

如果佢知你中意佢而佢又唔中意你, 咁樣有機會做返friend

如果佢唔係唔中意你, 不過係因為個次問完野再加上唔熟所以唔多理你, 咁可能佢會覺你仲咩冇啦啦唔理佢 (如果你之前非常纏佢) / 如果你唔纏佢, 都可以再來過。

睇你講係o camp, 其實得個1~2晚, 就算有好感, 如果當下冇好好把握, 之後真係冇得講架。不過你個friend又唔一定會同佢拍拖, 有好多女仔同男仔玩到好熟, 熟到好似真係男女朋友, 其實咪又不過係friend.

戀愛冇得講投唔投資架, 你係中意的話, 真係明知冇希望都會係想對佢好, 見到佢開心。
我覺得你可以稍為放低下佢, 問清楚自己, 係唔係真係好中意佢, 中意到不得了, 見到佢同其他女仔拍拖會好想好想變成果個女仔。

如果係, 就做野啦。唔一定係要纏到實一實, 不過係你自己要製造可以成日見的機會, 見到面的搵話題, 搵佢想聽的話題, 要睇時候走人, 唔好俾佢有你想痴左佢的感覺。
當然, 如果你諗過好似真係冇咁中意佢, 咁不如交返俾個天, 見到面講2句, 見唔到就唔緊要, 唔好成日諗住佢, 要搵下自己的同學仔朋友仔, 搵返下自己的興趣, 唔好成日俾佢鎖死你的生活。

不過呢d全部都係建議, 愛情呢舊野自己冇試過真係唔知架~haha
加油~~

你鐘意人，人地鐘唔鐘意你呀，過左火連朋友都無得做，另外意見，如果個男仔好花心，你埋去就做你男朋友，都要想清楚。

其實會唔會唔係咁好....

本人對橫刀奪愛都不贊成,不過照你所講都不算橫刀奪愛,因為他們不是男女朋友關係
以下招數只供參考
1)直接同佢講你好鍾意佢
2)投其所好,以此接近佢
3)借助朋友同個男仔講你知唔知有人鍾意你ar
4)成日黏住佢等佢記得你
5)扮野有功課唔識做借d問佢野

祝好運