點樣可以箍煲呀???

點樣可以箍煲呀???

我不讚成你嘗試去箍煲, 你一定唔會聽. 因為你現在好矛盾, 又覺得重有希望.

1. 佢話比我hurt 到佢對我冇晒感覺
談戀愛時, 是應該很甜蜜的, 你愛的人, 在你眼中是完美的, 你唔開心時, 只要想起佢, 就會冇哂事呢! 這種感覺好重要. 當然, 時間日子久了, 愛情便變成感情, 但已經是十年或更耐之後既變化了.

感情既事是不可以免強的. 要來時不可擋, 要走時不能留. 你千方百計去挽留, 他可能更覺得會窒息, 不能呼吸, 也更覺得你只會做你自己想做, 要做的任性的人, 不會再可愛.

2. [分手後, 佢就話要比一年佢想清楚仲同唔同我一齊下去]
他能這樣說, 就証明他真是一個君子, 給你很大的面子, 和一條下台階. 我認為你更加不能自毀形象. 縱使這將會是痛苦萬分, 也許這是你唯一之第一次不任性, 聽他的話, 我認為你是應該順佢意向, 尊重他的選擇的. 這是你邁向成孰人生的初階啊.

3. [我想問... 我係咪應該對佢死心好?]
這不是死心或吾的問題, 而是一段冷靜期, 反思期, 大家亦可以好好整理彼此的思緒, 正所謂 [ 好嚟好去], 留番一d情和面俾大家, 日後相見再也是朋友呀. 你好好儉檢討自己囉, 我不建議你短期內找他, 起碼兩三個月後問問好罷.

4. [但係我唔想, 我覺得一直係大家都好愛大家的]
冇辨辦法啦, 最緊要留番個好印象, 分手都要分得有型d呀!

5. [之前我個朋友問過佢....其實佢係咪真係想分手..定係嬲
佢答....佢真係想同我永遠...只係佢真係好嬲]

如果你在意第三者的說法, 看來你想搵support 支持, 去讓你有藉口, 繼續去拖拉這關係, 繼續唔死心. 請再參考2.

祝振作別難過, 好運.

我都試過好似你咁
我成日少少事就話分手，不過唔係真係想，只係想佢會改過
不過當我講一次分手，就會係佢個心劃一劃
久而久之，佢忍唔住同我講分手，因為我太野蠻
自從個日之後，佢就完全唔搵我，一個電話都冇，連把聲都唔同我講
我好驚，好後悔點解成日同佢講分手
我知道佢日日都會係一ｄ地方出見，有一日我就係個度等佢
我同佢講，我一定會改，俾多次機會我等等ｇｅ說話
咁我地就好番喇（就係今日好番^^）



你一定要搵一個機會同佢講〔我知錯喇，我一定會改）ｇｅ說話
等佢俾多次機會你
佢話俾一年時間佢想清楚可能係想你識得驚
你唔好因為佢咁講而想放棄
只要你一日係愛佢都唔可以放棄
有ｄ野係要自己爭取嫁！
明白未？（如果佢俾多次機會你，你一定要改呀，否則唔會再有第二次機會嫁喇）

你最少要變一變身,冇理由又係咁, 先改變自己一下印象先,給自己兩星期.