有關體適能test

因為每次一考完試都會收晒d問題簿, 所以唔會有past paper流出, 而總會亦未試過公開有關試題.
我自己都曾經考過, 可以講少少經驗分享一下:
1. 最後一堂一定要上, 因為呀sir會講d考試重點, 佢講d重點一定考, 但唔好只讀重點, 建議你成本書睇一次. 因為本書每一個chapter都會考.
2. 答題要睇清楚, 佢地d MC 好鍾意陰人, 小心d是/不是的字眼. 攪清楚體適能同運動體適能的分別.
3. 有關計數d題目要小心, 例如計目標心率, 一定要攪清楚MHR同HHR. 有時題目會比埋靜態心率你, 但如果計MHR係唔駛用, 所以唔好比佢陰到.
4. 有d重要數值一定要記住, 例如1lb 脂肪=3500kcal等等.
其實你睇晒本書, 考試合格都唔算難.