想學粉彩畫，有沒有介紹？

咁多日都無人答你…
粉彩、油粉彩又真係冷門d﹗我都唔知得晒…，但俾少少意見你﹗

書本：你既然咁講，應該書店同圖書館的都找過吧﹗﹗油粉彩容易處理過乾粉彩，所以你照睇乾粉彩書就可以，惟一係油粉彩唔預人“卒”開。佢較乾粉彩易保存，但兩者的覆蓋力都有限。

至於班呢…，特別叫粉彩的班…少d o羅，但又唔係話無o既，我以前都有報過，是在觀塘職業訓練中心，在地鐵站附近，觀塘泳池對住。不過那已經是多年前的事了，現在都不知還有沒有。那時這個粉彩班屬於佢設計/插圖課程（好多項，有d素描、水彩、插圖…佢都歸屬其內）。你可以去看看吧﹗

至於大一、正形這些插圖學校，你都可以去看看有沒有吧﹗

俾多個建議…，你有心的話…可以多d去看展覽（留意下d本地畫苑、畫會的展覽），點解咁講呢…，因為間中啦…我都見有些師傅展d粉彩作品，就好似早兩個月在視覺藝術中心，有個好似係甚麼“人像…畫會”（就是一班人，有興趣畫人像（肖像）的組成，不屬於某一畫院的，各人風格唔同）的展覽，其中就有一位師傅展出兩張肖像作品，都係用油粉彩畫的，技巧很高，我想是屬於老師傅級。我想他的技巧應該係教得人，即有開畫室o既。你多去留意下…看看吧﹗

諗諗下…真係間唔中，久不久就見到，d乜乜畫室的師生展都值得留意（又諗到一個，是畫乾粉彩人像的，技巧也是很好…，但幾時、在哪裡看就忘了）。

我無某一間畫室可介紹，你有時睇d畫院、畫室單張，又話教水彩、炭筆、粉彩…之類之類，唔建議就咁睇單張報，因為好多時d師傅始終無人熟晒全部物料o既，大多只教到基本技法及理論（當然，始終係老師，點都比你我好o既）。但睇展覽佢放得出黎…都真係真工夫嘛﹗

見得樓上一個答, 又答得咁有心, 我又來旺場一下…

有一個教畫畫的網頁不錯的，有基本繪畫工具和步驟說明，有鉛筆素描、炭筆素描、碳精筆、木顏色、『油粉彩』、『粉彩』、沾水筆、麥克筆等

http://content.edu.tw/vocation/art/ks_hc/htm/content/ch01/tfram.htm

你按左邊的「蠟筆」和『粉彩筆』應該有你想要的東西

你好~本人是會考art 油粉彩 靜物寫生 A Grade ~
如果你真係想學~又唔想貴~我可以私人教授~
之前都有在大畫班教授過 水彩~木顏色~乾粉彩~油畫~
可以約time出黎商議~我會拎埋 本人作品 & art A級證書
please e_mail: [email protected]

由於香港很少粉彩畫家，畫粉彩的人很少，所以你想學粉彩便很困難。如果想學唯有自修，世界也有畫粉彩的畫家，你可以找他們的畫來參考，印象派的德嘉，便是著名的粉彩畫家，其他如勞特列克，他有一幅人像畫畫梵谷，就是粉彩畫，畢卡索也畫過粉彩畫，中國的粉彩畫家有顏文樑，潘玉良也畫過，徐悲鴻也畫過粉彩。
其實你學任何畫首先要具備素描基礎，其他色彩的研究，你便多參考，多感受，用感情，用感覺去畫，比如陰影不一定黑色，可以是紫色，藍色，海水不一定是藍或綠，可以七彩，畫面不太單調，不要照現實著色，你要知道什麼是環境色，著色要豐富，這便是色彩畫了，內地有很多人畫粉彩，我己前買過一本大陸的粉彩畫集，畫粉彩尤其乾粉彩，可以買有底色的畫紙，畫的底色視乎你畫的什麼，像海和天空，便用藍色底紙，你利用底色，便可慳很多顏色。用白色底紙，便要填滿了。