點用婉轉的方法同經理傾人工問題

Natalli

2006-11-27 2:42 am

我已入職半年，在剛入職時只是做一些較簡單的職務。人工也是整個部門中
最少的那個。現在經理把我掉職，做一些較為重要的工作。以我所知做那些
工作的同事，初入職的人工都多我現在$1300，當然經驗會較我多。做耐左那
些便多我$2000.

因為我公司比較奇怪，過了試用期都不會加人工，一定要在每年一月先會傾人
工問題，據我同事說(做簡單職務的)，她過試用期時想加$500，但最後只加了
$200多些。我現在過試用期再加掉職一次過加埋，理應加多一些吧!而我諗住
開價加$800，但估計經理一定還價。

因為我本身都唔係咁識講說話，我怕佢覺得我(奄春)，加一個唔合理的人工給我。
而且佢掉職那天都沒有正式同我傾過，只是個試用期時閒談問過我。那天她和
我的同事開完會，安排那些客我負責才出來知會我，我個同事話佢好唔尊重我，
叫我一定要叫好d個價。

我應該點樣講先可以令佢加我多些，又唔會令佢有反感。因為之前有個同事成日
扭計要走話要掉職又加一工，最後俾人炒左。我唔想佢覺得我扭計。

回答 (1)

用戶10940

2006-11-27 4:14 am

✔ 最佳答案

呢個問題麻煩d,依家d老板蝦得就蝦!
你唔出聲佢就側側膊唔多覺,有排都唔使加!
如果你開口話走就話你扭計!
等人用果陣會加少少留住你,遲d請到人工少d新人,就會借d意炒你喇!
問題係你本身的實力,如果隨時在外都可以搵到依家咁上下,不妨扭下計,最多炒左搵過份!
如果自己實力不足,離開左都未必搵番依家咁多的話,只好忍氣吞聲咯!
有時人比人會比死人的,你都知道人地經驗比你多啦!
所謂出左半斤力未必攞返足八兩,初出來做事係要忍下,希望在工作中學到多d經驗吖!
咪聽人講咁多,否則越想越唔頫,盞頂住條氣!
開價還價講條件只適用於見新工,但都唔能夠好像小販咁開大口的!
現在只有找一個適當時間,等佢無咁忙,單獨傾傾!
可以這樣說:
乜乜經理,我在公司都超過幾多個月了,公司覺得我工作如何?我見其他同事過了試用期都會調整工資,唔知我的工資何時調整呢?
如果佢答遲d,咁都無計,只有等喇!
暫時不必提出要求加幾多數目!
如果佢問你想加多少?
咁你就可以提出一個比自己要求多一點等佢減啦!
但都不能太多,以免佢反感!
千萬不要話邊個工資幾多,邊間公司同我職位一樣都有幾多!
咁佢以為你扭計,一句話:人地公司咁高工資,點解你唔去?
咁就好難轉彎咯!
我教你係咁多,自己执生喇!

參考: 我的意見

👍 0 👎 0