護士.....

唯一途徑係repeat，你maths同eng都考得唔差，
證明你基礎唔差，係無用全力讀．

現時有一個叫＜健康服務助理＞既職位，個課程大約七千幾蚊，
讀完就可以做，每個月九千蚊，合約工，你可以做住呢個位先，
然後repeat同報讀護士課程．

或者
如果唔介意人工方面，有好多私人診所，都會請診所助理，
即係＜姑娘＞，幫人做登記之類既工作，大約五千至七千左右，ok嗎？

或者
香港公開大學既護理學系有以下課程：
53090 毅進課程 - 健康服務毅進證書
53190 副學士先修課程 - 健康護理實務副學士先修課程
　 護協課程
53300 診所助理證書
63300 診所助理文憑
53310 病患照護服務證書
63310 病患照護服務文憑
53600 長期護理專業證書
63600 長期護理專業文憑
你睇睇53190課程可以有幾多%上到公大既護士學士，
又睇睇所有醫院既招聘條件，邊間唔駛５科合格，
其實缺少５科合格，對將來轉工係有麻煩，唔係間間都要你．

其實你三科可以入到HD，就要諗清楚，唔係永遠都咁好彩，
唔好立亂轉，你讀緊year幾？如果只剩一年，不如讀埋佢，
有多張D傍身都無壞，將來可能有用．

好中意好想做護士架？護士係一個好辛苦既行業，
係好忙，好受氣，好厭惡性，你要考慮清楚．

最後補充，我曾經見過，有醫院招聘時，有身高既要求，至少要152cm，
因為呢行都要體力勞動，要搬人過床，同埋掛野，如果太矮唔得既．

養和醫院有開班你可以留意o下