違反有線寛頻合約會點﹖

很同情你呀, 因為我亦有同樣遭遇, 但已經好快捱過這18個月的合約期 - 12月就結束這十分不遇愉快的經歷.

1. 你用左個幾月就想終止合約，可唔可以﹖大約要罰幾多錢﹖
當然可以, 但佢地會追收餘下月數的月費, 一次過要你俾錢. 例如 24月 減 你用左4個月 = 20月 x $月費.

2. 可唔可以唔理它，唔交罰款?
如果你唔理佢地, 佢地照過數, 如果過唔到, 最先, 佢地不斷會寫信俾你, 佢地又會打電話俾你, 過了一段時間, 約6 個月, 跟住會出律師信,

3. 我係用銀行戶口轉賬嫁！點做﹖
基本上, 你就算想單方面取消你既自動轉帳, 銀行都唔會幫你, 停唔到, 佢地會話因為牽涉合約問題, 佢地要等有線同意才可取消那轉帳交易的.

如果你真是想爛尾, 你唯一方法就是取消個戶口才可以避免有線直接扣錢. 跟住唔聽所有佢地電話, 唔收所有佢地d信, 但提防佢地找收數公司拍門, 同放你入黑名單. 記住佢地其實有權告到去小額錢債, 在你缺席下勝訴, 然後申請你破產. 但因欠款太少, 他們一般也沒有申請客戶破產.

祝你好運, 同埋快d脫離苦海!!

聽你咁講, 真係好差喎, 邊區嚟呀; 你一簽咗約就有計啦, 先打電話去投案吓先啦, 不過你會更谷氣, 因為d接電話既人係無乜用既, 佢地只係被請嚟被客人罵的, 每次打去都要浪費20-30分鐘時同你地講嘢, 結果你要找佢地個supervisor或經理嗰時, 佢地一定話supervisor同經理都係講緊電話, 如果問佢地姓乜同職員編號, 佢地會話呢d係商業祕密唔講得, 最後你都係會被谷到吐血死, 所以打去投訴只係可以罵到d聽電話既人, 完全解決唔到你既問題的, 個約都係照樣要用, 否則要比好多錢, 呢d係我既親身經驗.
所以, 如果你唔想用佢地, 只好轉條線比你d親朋好友用, 叫佢地每月比月費錢比你, 跟住你就可以轉過用其他公司啦, 不過你轉條線比人用,等於搬線, 又要比佢收搬線費架,

我都係咁做既

其实最好就打电话去投诉先, 顺便问下如果想终止合约需唔需要罚钱? 不过我自己都用紧"有线宽频" 的确係好差, 不过无办法啦, 我无其它选择可以换.
我睇过我自己嘅有线宽频信,签合约时,有個"重要事项" 写住

如用户于承诺使用期间终止任何一项服务或转用其它计划, 用户的优惠服务计划将立即终止, 相关服务提供者将即时从用户之一户口一次过收取相等与服务承诺使用其余下月份之所有服务费用."有线宽频"电话,"有线宽频"上网, "有线电视" 并保留追讨一切已送出之推广优惠的权利. 已缴付之所有费用概不退还, 亦不可以转让他人. 如用户未能成功申请保留原有电话号码, 本合约仍然生效. 对于用户能否保留原有电话号码, "有线宽频"电话", "有线宽频"上网及"有线电视" 不作任何保证.

希望帮到你. 仲有乜想查询致电 21128899 客户服务.