關於巴士的問題...............................................(20分呀)

2XX係源自1975年, 當時巴士公司為左吸引一D駕車人士改搭巴士, 推出豪華巴士路線服務, 而當時1XX已經用左o係隧道線, 所以用2XX; 直到80年代末, 空調巴士試驗成功, 巴士公司繼續引用2XX代表空調服務比一般路線更豪華巴意思, 但係因為路線網絡發展得太快, 編號唔夠用, 2XX系列越出越濫, 越來越無厘頭, 所以2XX已經變質, 成為某某線EXTENTION, 代替左A, B, C等.
3XX係90年代晨早特快一去不返線始祖300推出時首次面世, 基本概念都係同上面2XX一樣, 將1XX正規隧巴同3XX晨早特快隧巴分野.
4XX好似未曾出現過, 只有東隧通車前既運輸署東隧線PLANNING短暫出現.
5XX, 中巴空調服務編號, 係跟隨7XX之後又一<巨獻>; 當年中巴管理層構思路線時會同時考慮一D不諳英語既乘客可能睇唔明英文字母, 所以用數字黎代替A,B,C等字母, 但係成效如何, 真係見仁見智.
7XX, 東區走廊路線, 來源上面5XX已解釋.
8XX未用.

2006-11-26 09:26:33 補充：
SORRY! 打錯!8XX係馬場線, 源自77年沙田馬場開幕時提供既特別服務, 中國人8字同發字係諧音, 通常賭馬既人都希望中獎發大達, 所以巴士公司都幾有心思, 想到用8字頭代表.補充--7XX亦同樣用於新巴將軍澳線, 原因係新巴九龍區服務係唔可以跟隨/混淆九巴路線號系統, 必需同九巴作出分野, 2XX九巴大量用緊, 3XX都唔得, 4XX又唔好意頭, 5XX加埋將軍澳區域字首又唔好聽(59X=唔夠X), 6XX又用緊, 8XX同馬場撞哂, 9XX岩岩用左, 只剩7XX, 就係咁.

2006-11-28 23:48:50 補充：
過獎過獎!

仲有....係港島區7XX係特快路線...通常都係行東區走廊...即780,788,789

2XX 係九巴既冷氣巴士代號(以前冷氣巴士未有咁common時，只有個別路線如208有冷氣)。
3XX 係繁忙時間紅隧路線。
冇 4XX。
5XX則是中巴時代的冷氣巴士代號(如590)。
7XX通常係新巴響九龍/新界開既線。

2006-11-26 01:25:04 補充：
1XX, 6XX, 9XX 分別係紅隧、東隧及西隧路線。8XX 係馬場特別路線。

why no 1xx....6xx.....8xx......9xx......???