HELP!! 底層乾所以出油既皮膚應該用咩粉底?

hi!! 我係做make up artist的,
我想你的問題都是想問,怎樣化個粉底會貼d和冇咁快溶.
咁我就針對個問題來答啦.(而我本身都是和你一樣係乾到出油的)
首先所有都要由底做起如果唔係無論你用任何名貴產品個效果都未必有用.
你平時有冇做skin care?做多d清潔,保濕去走晒d黑頭酒米油脂粒.
水份和深層清潔mask是個個女仔都不何決少的,
尤其是我地都極乾的,要多做水份mask隔兩晚就做一次(我特別嚴重時會晚晚用)
之後你會發覺皮膚底層會充滿水份有彈性又滑左,面色不再暗啞有光澤.
此時已成功左一半喇,另一半就要有正確的上粉技巧.
用濕粉卜(8,9成乾)或手指揸,要用陰力(手腕力)按印上去,千祈唔好拖拉.
跟住一定一定要用乾粉定妝.
如果做得好,你應該可以keep到一個上午的(因我地不是明星用的產品和技巧都是簡單的,
所以不要冀望可keep成日呀!!)
至於用邊隻粉,我覺得你要自己簡,依家科技先進甚麼質地for甚麼膚質,
已經不是一定(質地稀不一定for乾,"杰"的又不一定for油)
你只要按住原則用水份重d的去問D sales佢地會介紹俾你.
oil-free 和 two-way cake 都會使之變得更乾的!!!
如仍有疑問,可以再問.
記得仲有base呀(當然最好又係水啦!!)
雖然要成日補水補水,但都記得skin care時要補返d油呀!!會事半功倍的
當然專業的skin care程序就要留返等d美容師答喇!!

你整返好d 皮膚先啦...用d 防敏感既product，再用mask

之後先再化妝，唔係皮膚唔好好難上妝

你可以試下用 Sofina

你可先用磨砂清走頑固的死皮，再多做保濕 mask 和塗保濕 cream ，而在上粉前要先塗上一層 base 。 Covermark 的 base 不錯，質感好潤，適合較乾的皮膚，你可試用。接著，再用已沾濕了的粉卜塗粉底，其後再上碎粉，效果會較好的。

如果皮膚較乾，用濕粉和碎粉定妝會較好，因為 2 ways cake 較乾。你不妨再試一試，但切記平日要有好的護膚習慣，只有好的肌膚，上粉才會貼服自然。

粉底要註明moisture的foundation，或者是teint的都可以。千萬不可用matt的，matt是屬於啞色的，會令到肌膚更乾。其實 Maybelline 最近推出了一隻 Wonder Finish 的粉底都很方便，像 cream 一樣塗上後便不用再上碎粉，而且亦有保濕的作用，至於 Maxfactor 新出的粉餅都 OK ，控油效果很出色，但假若皮膚偏乾，始終用濕粉是最好的。

我建議你多做 facial ，深層清潔皮膚和去死皮後，再進行保濕程序，否則即使用多好的粉底塗在面上，都會出現脫皮和乾紋的問題。