想問下信用卡既問題,,辛苦哂,, 10分*

第一件事,你要搞清楚,你要問eps定係信用卡,兩種係唔同嘅。eps係類係debit card,係你戶口直接支出,而信用卡係類似掛帳形式,一個月找一次數。
(1) EPS(易辦事) 申請果時駛唔駛比$??
無論eps或信用卡都唔駛比錢申請。申請信用卡仲有迎新禮物。同埋eps唔駛特別申請,只要張卡(包括提款卡同信用卡)有個人戶口就用得。

(2) EPS係由自己個銀行戶口直接拎錢出黎,,咁點樣可以入$??,,如果唔想去銀行入既話
如果唔想去銀行入錢,咁可以喺網上其他嘅戶口transfer過去,或者叫其他人入錢入銀行戶口。

(3) 如果自己個銀行戶口已經無哂錢,,再繼續去碌卡會點??佢會唔比你碌定會借住比你??
eps嗰隻唔叫碌卡,你戶口冇錢唔會比你過數。如果係信用卡就可以。

(4) EPS計唔計利息?? 點樣先可以取消張卡??
eps唔會比你用多過你戶口嘅錢,所以唔會有利息問題。你去銀行取消咗張提款卡就得。如果係信用卡,就based on 你嘅outstanding計息,大槪2x%-3x%年息。要取消張卡,通知card centre就得。

(5) EPS可以去邊到申請?? 網上得唔得??
eps係唔駛申請,你去銀行申請提款卡就得,不過要親身去。如果係信用卡就可以網上申請。

(6) 百佳惠康果D會唔會比EPS碌卡?? 麥當勞又碌唔碌得??
百佳惠康可以用eps同信用卡,但麥當奴唔得。

(7) EPS有咩壞處?? 講黎聽下,,我唔知會有咩壞處,,
eps冇乜壞處。信用卡就先駛未來錢。

(8) EPS限幾歲先可以申請?? 係咪要申請左戶口先可以申請EPS??
好似過咗16歲先可以有提款卡,有提款卡就可以有eps呢個function。而提款卡係跟銀行戶口嘅。信用卡就要過18歲。

(9) 假如一個十八歲既青少年既申請一張EPS係唔係一個好既選擇??假如個青少年係有穩定既收入/金錢,,
冇話好唔好嘅,同cash冇乜分別。除非係好大舊錢,咁eps係比較安全囉。至於信用卡,就好睇個後生仔有冇自制力。

(10) EPS係咪全球通用??
eps唔係,因為喺外國你access唔到自己嘅bank account,但信用卡就係。

如你有戶口就會有張提款咭 = EPS, 不需費用的
18歲以上一定可以有EPS, 但唔肯定18歲以下是否可以, 請問銀行
入錢方面, 有人會去櫃員機入錢, 有人係經那個戶口出糧的, 就不需另入錢
戶口無錢, 用唔到EPS的
要親身去銀行簽名至可取消
EPS要去銀行申請
百佳惠康可用EPS的, 但麥記只可用八達通咭
十八歲青少年可以申請一張EPS黎旁身, 係好事
EPS不是全球通用, 應是全港通用, 去度外國就要用VISA/MASTER CARD

EPS好處 : 1.無需袋太多現金散子 2.有幾多錢就禁幾多, 唔可以透支 3. 即時過數, 等自己有節制
EPS壞處 : 1.戶口無錢用唔到 2.如身邊親友知道密碼而又囉到張咭, 可去提款 3. 排隊付款需時, 因要禁密碼

EPS係一張提款卡,唔係信用卡,呢度係兩樣野黎架,你戶口冇錢佢係唔會比你用張卡架.