耶穌當年為何會被釘上十字架，我想知成件事既來龍去脈?

耶穌被釘十字架其實並非出於自願，而是無可奈可。係呢一件事上面，有著好多導火線，例如：

１．猶太人與撒瑪利亞人向來係世仇，但耶穌卻決心打破兩個民族間既隔膜，佢唔理猶太祭司的反對，帶領門徒走入撒瑪利亞省。在撒瑪利亞省內，耶穌主動同一個係井邊打水的撒瑪利亞婦人講道，經過同耶穌既呢一次接觸，令到撒瑪利亞婦人的生活有左重大既改變，佢放棄左以往唔檢點既生活，重新做人。
雖然係呢一件事上面，耶穌係幫左人，但猶太祭司就對耶穌擅自進入撒瑪利亞人既土地同埋同撒瑪利亞人講野既呢一件事而感到十分不滿。

２．
　　耶穌施行過好多既神痕迹，包括：令患上痲瘋病的病人康復、把睚魯既女兒復活、五餅二魚等等……根據聖經上講到，耶穌施行種種的神迹，只係出於對人既關懷同憐憫，因為佢明白到病人有病，係佢地既身、心、靈上都會受到極大的創傷，所以耶穌希望能夠出一分力，去幫助、救治佢地。而耶穌呢一顆對人既憐憫之心，睇在一眾猶太祭司的眼中，就覺得耶穌係為左增加自己既知名度，從而吸引人跟隨。

３．
　　係耶穌眼中，聖殿係一個神聖莊嚴既地方，理應保持肅穆。但係，係佢被釘十字架既前幾日，係佢進入聖殿禱告時，發現聖殿一片混亂，有很多人係聖殿內高聲叫賣，所以佢好嬲，憤然趕走係聖殿入面買賣野既人，又推倒販賣既物品。
　　耶穌既呢一個舉動激嬲左管理聖殿既宗教領袖，佢地認為耶穌不單干預左佢地管治聖殿既權力，而且仲斷絕左佢地利用聖殿作販賣的財路，所以就計劃殺害耶穌。

綜合以上例子，以及好多我冇打到出黎既論點，就係耶穌會被釘十字架既前奏。

（因為條問題冇問到，所以我省略耶穌被人捉既經過。）

　　耶穌被捉後，猶太議會就審訊佢，冇幾耐審訊就有左結果。耶穌被指犯左潛妄罪（褻瀆上帝的罪－－　自稱係上帝的兒子），要判處死刑。但由於當時猶太係比羅馬政府管治，所以猶太議會係冇權執行死刑，猶太議會的成員於是就同一些受了宗教領袖賄賂的群眾帶耶穌去到羅馬駐猶太總督彼拉多面前，控訴耶穌煽動人民唔好向羅馬皇納稅，並控訴耶穌曾自稱是基督（上帝的兒子）、是王，於是要求把耶穌係安息日前處死。

　　彼拉多查問完耶穌，都查唔到佢有咩罪，所以佢就帶住耶穌去搵希律王（安提帕）。最後，希律王亦都查唔到耶穌既罪，於是將耶穌侮辱左一番之後，又將耶穌交返比彼拉多處置。

　　彼拉多唔係一個壞人，佢見希律王同自己都查唔出耶穌既罪，就諗住利用逾越節特赦罪犯既習慣，打完耶穌一身之後，就放左佢。點知係佢宣佈放耶穌既時候，一班受左宗教領袖賄賂既群眾就大叫，要求放罪大惡極既巴拉巴都唔好放耶穌。彼拉多為左安撫群眾，所以佢就將耶穌釘上十字架。

　　最後，羅馬士兵把耶穌侮辱、戲弄多番後，命令耶穌背著十字架，赤腳由走去刑場──　各各他山（位於耶路撒冷城外）。

p.s.成篇野打到我「眼都盲」，且沒有proof-read…如有錯字，請見諒！

2006-11-25 21:53:26 補充：
彼拉多為左安撫群眾，所以佢就將耶穌釘上十字架。應該係：彼拉多為左安撫群眾，所以佢就判耶穌需要被釘上十字架。

你想知成件事既來龍去脈，當然睇晒成本聖經就最清楚la。

以下睇住少少先。


舊約： (以賽亞書 53:1-12)

我們所傳的（或譯：所傳與我們的）有誰信呢﹖耶和華的膀臂向誰顯露呢﹖

他在耶和華面前生長如嫩芽，像根出於乾地。他無佳形美容；我們看見他的時候，也無美貌使我們羨慕他。

他被藐視，被人厭棄；多受痛苦，常經憂患。他被藐視，好像被人掩面不看的一樣；我們也不尊重他。

他誠然擔當我們的憂患，背負我們的痛苦；我們卻以為他受責罰，被神擊打苦待了。

哪知他為我們的過犯受害，為我們的罪孽壓傷。因他受的刑罰，我們得平安；因他受的鞭傷，我們得醫治。

我們都如羊走迷；各人偏行己路；耶和華使我們眾人的罪孽都歸在他身上。

他被欺壓，在受苦的時候卻不開口（或譯：他受欺壓，卻自卑不開口）；他像羊羔被牽到宰殺之地，又像羊在剪毛的人手下無聲，他也是這樣不開口。

因受欺壓和審判，他被奪去，至於他同世的人，誰想他受鞭打、從活人之地被剪除，是因我百姓的罪過呢﹖

他雖然未行強暴，口中也沒有詭詐，人還使他與惡人同埋；誰知死的時候與財主同葬。

耶和華卻定意（或譯：喜悅）將他壓傷，使他受痛苦。耶和華以他為贖罪祭（譯：他獻本身為贖罪祭）。他必看見後裔，並且延長年日。耶和華所喜悅的事必在他手中亨通。

他必看見自己勞苦的功效，便心滿意足。有許多人因認識我的義僕得稱為義；並且他要擔當他們的罪孽。

所以，我要使他與位大的同分，與強盛的均分擄物。因為他將命傾倒，以致於死；他也被列在罪犯之中。他卻擔當多人的罪，又為罪犯代求。

新約：
四卷福音書 (馬太、馬可、路加 及 約翰)

其實耶穌出唻傳道之後，己經得罪唔少當時自命為基督教既元老人物，尤其係有一次，佢去聖殿，見到當時既祭司，將人民獻出既祭物攞番出去賣，而唔係將佢唻為奉獻既人贖罪或祈禱，佢嬲到將Ｄ人用鞭趕出聖殿！
而當時，耶穌四圍講道，有好多信徒，當時既拉比（係聖殿講經既老師）已經睇唔過眼，不時用不同既手段為難耶穌，好似有一次，佢地問耶穌交稅既問題，希望捉佢痛腳，結果......？當然失敗喇！
於是，佢地一直想用盡辦法去將耶穌除之而後快！當猶大出賣耶穌後，本唻佢地只係想嚇吓耶穌，但因為落唔到台，於是就搞成咁！絕對唔係自己攞唻賤既！
當然，哩個只係一個導火線，耶穌在世上既任務係人類既罪作祭物，為人類流血贖罪，令人類有永生既盼望！耶穌係神，佢唔係自願為人類既罪死，邊個逼到佢？

耶穌當時一定可以逃去，但衪為了幫罪人(人人都是)除去罪惡，流出寶血。
(最後的晚餐)
(猶大)