我撞花左個車門點算好?

照你所講，花左個位置都相當當眼同大面積，以下係我平時對架車hi花碰損既處理方法，你可以參考一下。

若果面積唔大但有D甩油而又無凹，可以到一般既汽車用品店下配返枝岩色既補油筆，只係幾十蚊，試下自己補油，再用較幼既水沙紙省返平，再用D粗臘捽下。

但如果面積大的話，咁就要搵車房搞。若果你有相熟車房，你當然可以比佢搞掂。但若果你無相熟車房的話，你就要小心比人開天殺價。

一般噴油分噴油同焗油兩種，前者故名思意即係淨噴油，如果有凹的話，師傅會先執返個型，再噴油，待乾，再用水沙紙省返平滑，最後車臘。而焗油同噴油所做既野相同，分別在於噴油同待乾既過程係焗油房進行，出黎效果當然焗油靚D啦！

價錢方面，由於呢D係手功野，所以可以相差好遠，噴油最平由$600到$2000一件都有，一般公價$800-$1000一件，要執灰的話一般加多$200-$500，若果要執灰既地方只係好小的話，一般都唔會加錢，而焗油一般由$2000起。

個人建議，如果你本身係新牌仔的話，而花左果度又唔會太過令你唔開胃既，不如渣住先，操多一排。

但若果你真係接受唔倒隻門花左，其實單件做返，一般噴油師傅都可以做倒新舊色對返九成，睇落去都唔會好覺返噴過，況且你架仲係新車，應該仲易對色，相信搵個好D既師傅，分分鐘睇唔出呀！以車門既大小計，你預手功ok既果D師傅大約開你$1000至$1200，最後提一提你，收貨時記得從唔同角度同反光咁望多幾篇，如果你架車唔係趕住用，收貨時如果發現手功有問題，唔洗怕唔好意思，老虎蟹叫佢做過，D噴油佬吹你唔脹架。

我部珍珠白色隻門花左都係呢間立信汽車焗油，好啱色，佢地重幫我清潔左車內竉同洗車，真係幾好.詳情上網頁查詢: http://www.lapshunco.com

你架係新車,無理由買補油筆, 因為一定唔完美, 比車房噴過啦, $500 - $800, 又唔貴, 更可況除左花痕仲有暗粒, 唔洗考累啦.

長痛不如短痛,噴返都係$800,拿拿聲去整la

聽你講到咁花，補油筆係冇用的！你只會補到一撻撻，到時仲肉酸！

如果你是新牌的話，渣多排至番噴啦！