我想問點先可以入行做中港貨車司機?

你想揸噸車定揸頭先；如果噸車，打開報紙慢慢搵，會有請你既，就算新手，上路都唔難，好易入行．如果揸頭就比較難，未揸過既話，最好先搵份碼頭內運，操熟手車；有機會轉做渡櫃，攞多Ｄ路面經驗同操泊位，完全能夠操作自如，想上路，考個大陸牌才轉，時下好多公司請新手上路，但要有大陸牌．但我勸你唔好入行為妙，一失足成千古恨，到將來後悔就太遲啦．
第一要賣藝，點解甘講，普通單擔頭加四十尺大架都超過五十尺長，香港好多地方細，泊位小Ｄ技術都唔得，例如三隻貨櫃平放地上，吊起中間嗰隻，要你泊入去，你會話誇張，可惜係事實，泊唔入壓力都幾大，左住其他車（泊位對我已經係接近食生菜階段，但仍有壓力）．
第二賣命，普通單擔頭加三擔大架總重為三十八噸，但過大磅係超過五十噸，再重Ｄ都有，可以話你知，貨櫃車話唔停就唔停，甘既重量，你條命係唔係賣左比佢呀，當然有好多公司冇甘誇張既，但貨櫃車變數好大，經驗好緊要（我最重嗰次係過磅五十六，單擔車）．
第三賣身，尼行有開工就冇收工，上路更加慘，因為部車只有你可以揸入大陸境內，除左有登記後備司機啦，通常冇，如果有櫃上你唔上實比老闆抄啦，休息有既，可能朝早落來交櫃，冇野做叫你休息，夜晚有野做叫你開工囉；LOCAL會好Ｄ既，但都要十二個鍾打底，咩私人時間都冇晒．
其實一向都係甘，但而家搵唔到錢嗎，上路大部份兩萬樓下，冇價值，因為風險太大，LOCAL萬壹左右，有時真係差過噸車架．總之一言難盡啦，要入行真係三思再三思最好唔好行啦．
仲有當你想轉揸其他車既時候，一話揸拖頭，實唔請你架．

想做中港貨櫃車司機,看報紙找一些大公司如x天等等,入行後有經驗才轉公司,入行沒人介紹一下子很難得到好工,不用自己先考中國貨櫃車牌,現在入行人工一般大不如前.