有冇人可以提供自製辣椒油及辣椒豉油方法！

自製辣椒油

圖片參考：http://hk.wrs.yahoo.com/_ylt=As06KXJo7X8KPWDqYGVOCn..ygt./SIG=11hs0ap94/**http%3a//img04.21cn.com/2004/03/24/1874348.jpg

因我唔知你食辣的程度及自製的份量 (自用 / 商用) , 所以我只提供大概的材料份量俾你 :

主要材料 :
指天椒 (粉麵舖多數用乾貨 , 新鮮皆可) - 1份

輔料 :
蒜頭 - 1/2 份 (可隨個人喜好加減)
油 (50%花生油 , 50%純麻油) - 足夠於炒辣椒油時蓋過材料 , 如唔食得太辣 , 可加多點油

做法 :
1. 先將指天椒乾切碎 (所用工具視乎份量 , 可用刀、攪拌器、甚至碎肉機 - 如用攪拌器或碎肉機 , 須先將指天椒乾用適量油浸軟)
2. 指蒜頭碎成蒜泥 (可用刀、攪拌器、碎肉機)
3. 先將油燒至八成熱 , 然後先落指天椒碎 , 後落蒜泥
4. 先用大火快推使其出辣味 (視乎材料份量 , 時間由一至五分鐘不等) , 然後用中慢火慢推使其出香味直到夠香為止 (其實用自己的鼻子會比較可靠)

最後提醒一句 , 切勿一次做太多又不能於短時間內食完 , 因為辣椒油放得太久會令香味流失。

－－－－－－－－－－－－－－－－－－－－－－－－－－－－－－－－－－－
自製辣椒豉油
這亦是一個非常有效的辣椒保存方法。


主要材料 :
1. 指天椒- 1份（視乎自己用量需要）
(最好用新鮮辣椒，因為新鮮辣椒的辣味較容易溶入豉油之中。當然也可以用乾貨 )

2. 生抽 - 足夠蓋過辣椒的份量就可以了 , 如唔食得太辣 , 可加多點生抽
(最好用不含有糖的生抽 (如珠江橋牌生抽王)，因為如果生抽含有糖，或多或少都會影響辣椒的味道)

做法 :
1. 先將指天椒乾「剪」碎 (因用刀切會使辣椒的「子」受到較大的破壞，而令辣味留失於「刀」及「鉆板」上)。
2. 將指天椒碎略略吹乾（不用全乾），然後放入一個乾爽的罐中。
3. 將生抽倒進罐中直至蓋過辣椒，再放入雪櫃儲存。
4. 食時再加一點芝麻油，就更能帶出辣椒豉油的滋味！

與辣椒油不同，辣椒豉油可以放在雪櫃保存一段較長的時間，有時整豉椒排骨都可以用這些豉油中的辣椒去為排骨調味！


希望可以幫到你
圖片參考：http://hk.yimg.com/i/icon/16/1.gif
!

自製潮式辣油：
首先你可以用新鮮指天椒但要先曬到乾身又或者買啲乾指天椒洗淨曬返乾後用攪拌機打碎[唔使太碎]，然後燒鑊油待油滾後轉用細火等啲油嘅温度低返啲就落啲指天椒碎炸，記住要用細火炸，一邊炸一邊攪吓佢直至炸到啲指天椒碎轉色[好似潮式辣油嘅顏色]跟住熄火攤凍入樽咁就做成[[[潮式辣油]]]嘞。
辣椒豉油仲簡單：
又係用乾或者新鮮嘅指天椒洗乾淨將水份原全吹乾後切碎，用一個乾淨嘅樽裝大半樽豉油再落埋啲指天椒碎浸住佢基本上一浸啲辣味就即刻出嚟，最後就將樽辣椒豉油放入雪櫃到咁就OK啦。到用嗰陣食幾多倒幾多之後又放返入雪櫃雪住佢。

希望可以解答到您嘅問題啦。Thanks.