懷孕7weeks, 早上飲凍鮮奶, 得唔得呀!

有左初期最好唔好飲凍野呀,不如改飲紙包奶先啦

因為有case話雪過的食品如處理得唔好,好易細菌感染,嚴重的會流產架

至於燕窩,由於蛋白質好豐富,好易長胎架,其實如果個胎唔係好輕磅都唔點食,何況你而家先係得七weeks

我有朋友懷孕後期發現bb輕磅先至食,bb即刻重左

我的長輩叫我生完食仲好,因為補d,復原得快d

2006-11-25 00:05:28 補充：
紙包奶我飲開維記同保利,幾好味架,我本唔來唔飲奶但都覺得可以接受

2006-11-25 00:07:27 補充：
奶粉好肥架,唔好亂飲,要問過醫生先我有左三個月已經同老細,同事講,一黎等大家有準備,二來如果有d咩粗重野,大家都會幫下你手

飲熱或暖鮮奶啦... 對你同bb都會好d... 同埋而家天氣開始轉涼啦.. 記住小心身體..

至於奶粉問題.. 本身我自己都怕甜.. 但係又聽講孕婦奶粉其實有益過鮮奶同紙包奶.. 因為佢有添加葉酸, 鈣質, 鐵質等等.. 所以我都係飲奶粉.. 但我會沖稀d來飲.. 例如佢話一杯240ml的... 我可以放夠400ml水... 最多咪一日飲多一兩杯囉... 希望幫到你啦... ^^

飲凍鮮奶最好唔好一早飲，好傷脾胃，改在其他時間飲會好一點，放在室溫下不要超過15分鐘，因為容易滋生細菌。飲鮮奶同飲奶粉嘅分別係鮮奶幫助排便，而奶粉剛好相反。至於燕窩梗係生完先食啦！都唔知對BB有咩影響。通知公司方面，早好過遲，等公司有所安排及體諒。

其實有好多懷孕婦女都會飲凍野， 但係要睇吓自己本身的身體狀況， 有d人飲咗無事， 有d人飲咗會出現小產情況， 但如果你唔知道自己身體狀況， 就最好唔飲啦!
但你如果係雪柜取出鮮奶, 室溫半小時先飲， d鮮奶好太幾會....會變質， 你要小心呀!

懷孕初期，d年輕媽咪，照飲凍野，外國女人都係咁啦！年長d人堅持熱飲至有益，依我睇，無所謂o架。 如果早上提早半小時在雪柜取出鮮奶, 室溫半小時先飲，我認為有問題，因為由涷變室溫時，在空氣中，容易產生細菌，唔好，無益 ga。

早上最好唔好飲凍野，會傷胃(就算有無BB都唔好飲啦!)，不過如你所講在溫室放半個鐘先飲都得!
燕窩就最好唔好食，因為雌激素好多，日後個BB會有可能生好多手毛/腳毛(我家姐個仔係咁，佢今年2歲，雙手雙腳都已經有好多毛，但我家姐同佢老公都係無乜毛，原因係家姐陀住阿B時，佢成日食燕窩同雪蛤膏)；到我陀BB時，就無食，所以個仔就無以上情況!
以上係真實個案，希望可以幫到你！