如果出軌了

我是男︰

我覺得應該同伴侶坦白，
講左之後佢嬲你甚至同你分手，
你都唔可以埋怨佢，因為你的而且確係做錯丫嘛，
你要諗返，如果你真係好愛你伴侶既話，
點解你會當初會同伴侶以外既人發生性行為囉，
如果你知道自己做錯，而又想同你伴侶一齊既話，
就應該真真正正認錯，對你伴侶好ｄ囉，真係愛佢錫佢　囉。

咁當然，唔係個個伴侶都接受到呢種行為嫁，
不過我覺得真正既情侶應該互相坦白既，
縱使到頭來係分手收場，仲好過你呃佢一世既。

呢個係我既立場囉！

回答你另一款答案, 是我親身經驗...

我bf 同時一腳踏兩船, 期間個女仔仲多次去佢屋企過夜 (你地話有冇發生性行為喇).... 呢d 野我bf 冇同我講, 係我上個女仔個blog 睇到~ 之後我bf 先話係囉 (不過就唔答我有冇發生性行為)~ 不過佢暗示講出佢地係有做過... 個一刻我好傷心~ 雖然最後我bf 都係揀左我, 不過呢件事依然係我心裡面散唔去... 就好似大家咁講, 有裂痕囉~

所以話, 如果做出d 咁既事, 係唔會對伴侶坦白架~

當然唔好講啦！！
雖然話男仔怕帶綠帽，
女仔咪又係一樣！！！
係！！兩個人一齊最重要係坦白，
但如果明知講左出來，
幫唔到你地關係不特止，
仲分分鐘可能導致分手既，
我想你都唔會講吧！！！
（除非你想同佢分手啦）
女仔係個多疑，敏感，小氣的人，
特別係拍拖中的女仔！！
你比佢知道你不忠，
就算佢話原諒你，佢會一世都記得架！！
所以你唔好再咁做喇，
瞞得一次，瞞唔到另一次喇！！
我係女仔！！

我係男

基本上唔會講, 因為我曾經見過我朋友對佢女友坦白後既情況, 但如果真係過唔到自己既, 做定心理準備啦~ 食得咸魚抵到渴, 伴侶點對自己都無得反對架啦...

(坦白講, 我原本係想叫你講就算, 因為你呢d對自己伴侶不忠既人我最憎, 俾條蕉皮你踩, 等你自作自受....但我知你唔會囉)

我係男, 如果只係偶然一次半次, 我會當係一夜情果的, 我會唔講~ (當然唔可以成日係咁啦)

不過如果係有感情既...就會變成三角戀....咁我會講, 因為長痛不如短痛

我想我不會了，
如你是有意外排下發生了，
都不會介意伴侶感受吧..
如無意下發生，
那更加不應該傷害伴侶..

我是女..

我想不會, 你講了, 感情會破裂, 除非你想飛佢, 我亦同你講根本不應去做,
易地而處, 你可以不介意嗎 ?

不要做一些傷害你又修害別人的事.

我是女性.

會

我的性別是女