想問如果某股票停牌咁我可以做咩??

點樣會導致停牌?
停牌有兩種，分被交易所停牌及上市公司自己申請停牌。一般後者佔大多數。交易所要求停一定好大鑊，自己叫停則好多原因，有好有壞，但基本上涉及股價敏感資料發放。股價大幅上落只係可能反映某些股價敏感資料外洩或市場謠言，只是股價大幅上落而沒有需要知會公衆的事項，是不需要亦不可以因此而申绪請停牌的，只要出個『不明升因』或『不明跌因』通告就可以。
上市公司自己申請停牌，通常涉及:

供股或配股
有重大收購或合併進行
有股價敏感資料需要發放
公司出現嚴重事故
一般做完公告，解釋停牌所為何事之後，就可復牌，但如果有關事情尚未明朗或未解决，則須待事情有進展才可申請復牌，亦有公司一旦停牌後，從始再無復牌之日。
停牌後係咪等佢復牌就無事??
復到牌自然可以恢復買賣，但有冇事要睇事件嚴重性，是好消息定壞消息。
股票停牌咁你可以做咩??
答案係冇野可以做，小股民係咁無奈架喇，等睇公告啦。

1) 點樣會導致停牌?
當股票升得太快, 或跌得太快時, 就會停牌, 等市場不可作賣買, 令其先穩定價位先

2) 停牌後係咪等佢復牌就無事??
通常係, 不過如果停牌係因為壞消息引致大跌, 有可能會延長停牌時間 (因為會預計有恐慌性拋售)

3) 咁我可以做咩??
你要先知道停牌原因, 再先決定如果復牌係拋售定支持, 你要注意, 如果再繼續跌, 有機會跌到谷底唔再起, 咁你就斬倉都斬唔切, 會蝕好多, 但亦有機會反彈, 由蝕變賺, 因此你要先做定資料搜集同決定