蒜最好煮多久?

食蒜頭有好多好處其中有一樣好處我最喜歡，就係可以抗衰老嘞。
食蒜頭係可以幫助抗衰老，但亦都都要識點樣食。
據專家報導話：想抗衰老就要食多啲蒜頭，但唔係話食就食。
首先將蒜頭搣咗陣衣，然後切茸又好切片又好，什至就咁拍爛又好，
都必需擺佢超過二十分鍾後先至煮嚟食咁先至可以令蒜頭完全揮發出呢種抗衰老嘅物質。
廣東人有句俗語話：生葱熟蒜病韮菜。呢句意思想信唔使我多解釋你都明。
但北方人食蒜係食生嘅同我哋廣東人唔同。
過我自己認為蒜頭最好煮幾分鍾就夠，因為太生就有啲辛辣味太熟又冇在蒜嘅味道，半生熟就最好。
以炒青菜為例，一般大概炒四至五分鍾必定炒好，而且我炒菜一定先用薑蒜嚟起鑊。所以炒大概三至五分鍾就OK嘞千其唔好炒到咁熟冇晒味呀。

希望可以解答到您嘅問題啦。Thanks.

蒜頭我多數用來炒菜, 油滾落鑊爆至黃金便可