現在的時勢,買樓好定租樓好?

要買樓，不單止睇月入，仲要睇你有幾多儲蓄，每月有幾多錢可以儲起，之前已儲起幾多。
如果你有大約層樓的5成錢左右，你可以考慮買樓。否則，我認為應該租樓好。因為你無咁上上手期，都要供樓時，萬一有什麼意外，(比如：樓市又大跌 / 失業 / 緊錢用...)層樓壓住d錢，你會供得好辛苦的。
1. 你家5人，當中有小朋友吧﹖小朋友的開支一向不少，如果你一早已預算好佢的一筆費用，就可以供得舒服d，否則又是一個負擔。
2. 有老人家嗎﹖有無保險﹖有無考慮將來的醫療費用﹖
3. 家住公屋﹖我覺得這是政府的一大房屋準貼，為何不好好利用，要去買樓住呢﹖除非是富戶，否幾2~3千可以有咁大的單位，其他地方是找不到的。
所以租好過買。
不過，如果你有咁上下儲蓄，又每月可以儲起不少，買樓始終係投資，係你的資產，到老的時間，兒女大了，兩老都可以有間屋依靠下，到時就可以少d憂慮，都係好事來的，所以先至有咁多人話要買樓。
所以買 / 租，要睇你的經濟狀況才可以決定的。
而以現在時勢方面，豪宅升得勁，但中、小型普通的樓就好定，唔似上年好似支箭咁升，都算係個好市，可以考慮買樓的。不過，都係會怕下年個股市可以會有調整壓力，到時樓市應該都會跟住落一落的，到時買都係唔錯的時機吧！

2006-11-25 11:51:43 補充：
如果5個都是大人，3仔女將來都會有自己的家，現在買樓是父母的名or全部聯名，財產分配上將來會好亂的，所以都係租啦！

如果5個都係成年人, 咁就好多問題了? 第日D成年人結左婚, 咁會唔會搬出去住, 咁到時有冇人繼續幫老豆老母供樓???剩番未搬走的會唔會仲供得起?

既然, 都就黎結婚咯, 咁心急搵樓做乜野? 不如等第日問下身邊個個想點仲好啦! 因為就算要捱, 佢都係要同你一齊捱的, 係咪! 點解一早比個包袱佢???都時睇下兩個人既能力! 想唔想同其他人一齊住! 到時先萛羅???

如果第日要搵樓, 電郵比我[email protected]到時幫你搵層靚樓!幫你攪埋按揭! 好冇......

1.)要睇你家中成員係點,如果大部份人都係工作的話,即係平均除開個人都有6000元駛,都算ok收入都屬於可支付一間150-180萬既樓(假設能有1-3成首期);樓齡比較新的面積多為400-600呎左右,要買大d價錢相應由大左,會供得吃力,細d可能會不足夠你們五人住;變相要考慮買d舊既私人樓或居屋單位面積較實用及大,但係可能住唔夠一年半載由話要夾錢維修,咁到時真係頭癢;因此呢d真係俾唔到意見你,要自己考慮清楚你要d咩同埋能力許唔許可到啦!(俗語有話"針無兩頭利")

2.)如你是兩公婆加三個化骨龍既話,我建議你住公屋儲埋d錢俾小朋友教學用好過,佢地有好現在,直接影響你地有無好既將來呀!

2006-11-24 12:33:41 補充：
居屋就真係for自住囉,要有什麼升值能力可能性不高;私人樓就睇你買d咩既私人而定啦?居屋無私人樓咁好,是不一定的,都係個句睇自己能力去做啦!(咁當然係羊毛出自羊身上)邊個唔想進註幾千呎洋房呢?做得到先得嫁!

其實租樓定買樓, 好睇你自己點睇, 好多人說買就係自己, 租就等如幫人供樓, 但你現在是住公屋, 我覺得你應該照住住先, 30,000 看來好似好好用, 但你5人家庭的組合如何? 如果5個都出來工作, 還是有依靠的.. 如果是後者的話, 你不應該買了.. 如果你決定買, 我想你最少買700-800呎, 當是居屋, 都要1,300,000 - 1,800,000啦, 除非你選擇天水圍... 當是1,500,000, 你俾5%首期, 月供$9350, 加上管理費e.g.$600, 差餉e.g.$500....... Total 是10,450..... 你應該可以負擔得來, 但如果你的工作是不穩定, 就要小心, 因為如果一個無工作, 另一個就好大負擔, 和看看你自己的Age.... 供完之後你幾多呢, 因為你供完樓之後, 管理費和差餉是不會Stop 的, 是永遠要交的, 交這兩樣東西一年都足夠你1年去日本超豪華團了

但如果你已經交緊雙倍租的話, 就應該買樓......

數據不夠, 只能分析到這邊

2006-11-24 11:38:03 補充：
講真和講笑都好, 如果你有仔女的話，到最尾層樓是你仔女的資產, 不是你呀, 哈哈, 你想一想啦

對於一個月入3萬的5人家庭來說, 應該租樓住............
5人月入3萬......lets say each of you only earn 6000.
Also what's the relationship between 5人? 2 parents plus brothers, sisters?

Also how much captial you have? 100,000? 300,000? or 800,000?
If 買樓....... joint name? single name? parents name?
There will have many agrue on that........i suggest think carefully before do any action.....

如果一個家庭有穩定收入同有仔女，當然係買樓好啦，到最尾層樓會係你既資產，租樓就乜都無，重成日會俾業頁加租或唔續約