D 人話講粗口講得出神入化既人--會形容佢為"佢d粗口仲勁過耶穌"既?

其實呢D係一般普通廣東人形容耶穌基督神通廣大的意思!
因為傳教講到耶穌好勁,不止說話有力,講野好叻,可以用道理說服人!
而且又會醫病,盲的閞眼,啞的開口,勁到死都醫得番生!
而傳道人亦以耶穌的言行來傳播福音!

所以形容人長篇大論咁講道理,就會話.....,
咁長氣係度講耶穌咩!
唔得閒聽佢講耶穌呀!

如果有人認屎認屁懶認叻,就會話......
咁叻,你估你係耶穌咩?
咁勁,你勁過耶穌吖?

引伸落去講粗口勁的,出神入化的,就會話.....
乜D粗口咁勁既,講得仲勁過耶穌呀!

希望以上答到你問題!
當然我地D俗人至會咁攪笑答啦!
如果係教徒會認為對耶穌基督唔尊敬嫁!

多謝你..唔該晒你呀~~~

耶穌係全知、全能and無所不在的，小心，要謹言慎行啊！