點解養龜咁麻煩

其實養龜都唔係好麻煩0者, 又無乜難度. 我都養龜養左十幾年, 起初都覺得好煩, 但知道佢地既習性及方法後, 就會好易. 唔洗理佢.
如果你養既係細既水龜, 大約 5cm 大既話, 好多水缸d水都係得10至15cm 高, 又會加ｄ裝飾, 又或者放石"春", 水草. 外面有好多賣龜連缸都係咁, 搞到好靚咁吸引人買. 佢地就日日換水,如果買返去, 一個星期唔換水, 嗅到你想成缸唔要 (誇張左). 其實真係養水龜既, 個缸係乜都無, 只係有大石或者大既沉木. 燈同埋強勁既濾水器. 不過佢地都係唔會放咁高水. 但我試過以前養 d 大約 5cm 既龜, 放水放到 25cm 高, 當然我亦到去海灘執 d 大石頭, 叠高過水面, 因龜係唔可以長時間0係水, 始終都係要比個地方佢上水. 再加埋個強勁既濾水器 (如果個濾水器係比24吋缸用, 就再買高多一級, 當然係沉水既濾水器), 可以既話, 將個缸放0係有陽光哂到既地方, 如果唔方便, 可以得閒先捉佢出黎哂, 唔得閒就由佢, 但就一個月落一次龜石(鈣片), 咁就得. 最緊要係餵野食方面, 唔好餵得多, 佢地食得多就屎多, 咁當然換水就要密左. 所以每次最好餵少少, 5cm左右大既就隔日餵少少, 10cm大, 可以一個星期餵一次, 都係少少. 當然, 如果你想佢快 d 大, 就可以放 d 魚仔, 龜糧加蝦乾, 但就好快要換水. D 龜其實可以食同佢 size 咁大既魚, 甚至乎大過都得. 我自己就好少餵蝦乾, 因d水會好快嗅同濁. 我本人覺得, 少水反而好快濁, 多水反而無咁快濁, 我依家淨係養兩隻飛河龜, 差唔多20cm大, 48吋缸, 所以要用筒型濾水器, 差唔多三個月換一次水. 仲有呀, d 龜咪好易受水質影響, 一般情況, 每次換完水 (可以全部都換哂), 但之後加少少淨水葯水, 再放d食鹽, 咁就得架喇.
我相信你都係覺得換水最煩, (我都係) 又要洗缸, 洗龜, 洗濾水器, 只要餵野食既份量小心d, 同埋強勁既濾水器, 兩三個星期拎個濾水器洗, 咁樣兩三個月都唔洗換水. 咁就方便得多, 又可以”享受”到養龜既樂趣.
希望幫到你啦. Enjoy!

2006-11-24 19:02:15 補充：
olivechung121 講得0岩, 唔煩, 仲好Q呀. YEAH

養龜唔係幾麻煩姐,重好cute添!!!!!!!^_^

麻煩在佢長命過你, 因為你無辦法唔理佢.

其實養龜已經係最好養嫁啦! 麻煩嘅地方就係要成日換水同埋要花好大嘅耐性.本人都有養龜, 如果你隻龜已經有大約13CM嘅話,咁你可以開始餵D魚肉俾佢食嫁啦!

你覺得有咩麻煩呀？
我屋企個隻養左成十年啦，我冇乜點理佢喎，隔一至兩日至餵佢食野，每日同佢換下水，差不多入秋就清晒d水比條大毛巾佢冬眠，真係冇乜點做其他野喎！
最晒時間都係換水個陣比佢係浴缸行半個鐘，都ok啦！

係呀, 我都係養左龜之後先知養龜好麻煩, 原本以為好簡單, 比野佢食就得,
點知原來佢又要曬太陽, 又驚佢個殼會變軟, 有容易有眼既病同皮膚病........
又要成日換水, 又要同佢地刷龜殼, 唔係就好dirty.........................
但諗諗下...........其實養個人都係咁麻煩, 都唔只淨係養龜麻煩
不過, 買左返黎, 有責任照顧佢, 所以麻煩都要養, 當係自己學多樣野啦
我而家都養得好開心, 有時仲同d 龜傾下計呀, 雖然佢唔明我講咩, 但係d 龜會望住我好好笑架, 所以你都要比d 心機養你d 龜, 唔可以唔理佢地架