我爸爸 浪子回頭 想返屋企﹐我應該點做﹖

「他又打電話黎﹐話他無晒D錢啦﹐家理的所有... 俾二奶欺騙了... 想返屋企」

我唔覺得佢係「浪子回頭」囉，只係佢而家唔掂所以搵番你地做水泡。如果佢想過對你地好，佢應該會在佢風光時已經會對你地好，唔係到而家先至來投靠你地。

正如你講，你都唔想你媽媽再一次受傷，所以還是先拒絕，看看佢之後係大吵大罵，弄到你地無日安寧，定係佢係會用真誠打動你地(例如真係去正正經經搵份野做、生性做人)，先至再考慮吧。

我建議你可以在電話上要求父親參加教會及改過自新先，然後再重聚。因為現在這個時刻見面的話，他可能又會做出一些傷害家人的事情。現在的情況是可以保持聯絡但要保持距離。

另外，你可以向神祈禱，並尋求教會弟兄姊妹的幫助。

如果係我,好簡單喺個電話度叫佢去死啦,你比個二奶呃晒啲嘢係天有眼。你邊度仲有屋企,你屋企喺幾年前比你自己摧毀了,呢度係我哋同阿媽屋企,死開啦。

當然啦,呢個係我個人意見。至於你,就應該同你阿媽商量。錢財身外物,不過,如果佢嚟咗(我唔覺得係返嚟wor),你哋有準備嘅應該可以唔比佢有任何嘢過手。但係你媽媽嘅感覺先係最重要,佢會唔會希望一家團聚呢?傳統嘅婦女都會希望有番個完整嘅家,呢啲你我未必會瞭解。要照顧好媽媽,就應該由佢去選擇,如果佢想再同呢個人喺埋一齊,咁咪比佢哋見下面,做下朋友先囉,唔駛一定即刻要比佢喺你屋企住。有時候要疼鍚一個人,就係要尊重佢嘅選擇。

當然啦,如果你媽媽唔想再見佢嘅話,咁就更加唔駛理佢。

應該比佢返屋企﹐ 比多次機會佢﹐ 佢再唔識死既話就等佢自生自滅喇。 或者你亞媽都係度等緊佢浪子回頭。 你唔比機會佢﹐ 都系唔比機會你亞媽開心。 大人既野唔系甘易明﹐ 就算你媽口頭唔講﹐ 都可能每晚系度盼佢番黎﹐ 如果佢番左黎就走番出去既話﹐ 你亞媽就可以死心喇。 始終系你老豆﹐ 始終系你亞媽老公。 比你亞媽知道﹐ 同佢商量下﹐ 又或者佢已經死左心。 我覺得你唔應該自把自為。 雖然話你系唔想你亞媽再受傷害﹐ 但系如果佢系會再受傷既話﹐ 即系話仲愛住你老豆﹐ 甘你唔比你老豆番黎既話系咪會令佢繼續唔開心。 或者佢已原涼左佢﹐ 一心想佢番黎。 等你亞媽黎做決定﹐ 佢甘大個人﹐ 會有分數。 如果你老豆再死性唔改既話﹐ 先決絕D 都未遲。 你地咪最多當佢系個外人﹐ 只不過系度借宿幾宵羅。 比佢番黎只不過系比佢機會改過自身﹐ 唔代表你要認番佢做老豆﹐ 或者老公﹐ 不過起碼你亞媽會知道自己系咪掛住佢﹐ 希望佢可以番黎。 問下你亞媽點諗。

2006-11-24 06:00:59 補充：
比你亞媽一次機會解開個心結

我覺得佢只係被騙哂D錢，想返你屋企當係避風塘。

而佢根本就唔係感到對你們不負責，或內疚，
覺得要為你地補嘗過失才回去找你，
說難聽點，他是在找供養他的人……

如果是真的浪子回頭，還可以考慮一下，
前提是先要查清他有沒有什麼背後的動機。
可是你爸爸他，可以說是厚顏無恥 (SORRY 我太激動)，
但他呃哂你地既錢去風流快活，駛哂D錢就來返來黐飲黐食？

最重要的時，如果他真的回來，你們一家會跟他相處得來嗎？
還有是，你得顧及你媽媽的感受……

雖然好似不太對...但我都贊成给他回家
但首先你應放下怨氣和兄弟們坐下認真傾傾
考慮你媽媽感受為先 怎樣才對媽媽最好
另外如對爸還有情又若你們有能力可以给些小照顧...用長些時間來觀察他
因你爸不知是否真的回頭變成好人 定人頭無路才找你們..
祝幸福