想到上野買手信...

我剛在11月21日去完呀! 住新宿太子酒店, 好方便! 其實你可在最後一天去(即坐飛機回港那天)或之前一日去都得! 我就之前一天去, 因為我去埋上野公園同埋唔想d時間太急太匆忙!
若你坐西北, 搭黃昏6點半左右的機, 便看你的性格吧! 唔怕趕, 好爭取時間的話, 最後一天一早check out, 把行李寄託在酒店, 然後坐JR去上野, 約半小時的車程, 一出去便很多地方行, 車站本身有一些小商店, 其他便沒什麼印象了, 個人認為最抵買的是食物手信, 在"阿美橫"內有一間果子店同名, 但打對面兩個舖, 各有特色食品, 多種類又平, 最好是應付公司太多人要給手信的情況! 買完後可以入番其中一間某位置自行PACK箱,有紙盒, 繩,膠紙免費供應, 然後拿住個箱返新宿, 在酒店問bellboy借marker pen寫番香港地址, 整箱寄番香港唔駛執入喼! ^_^ 現在新宿太子有自己車出機場 (只限住客), 幾好呢, 2100yen, 非常方便, 有須要可以在bell counter 那兒購票, 要預早呀, 因為一車約載16個人左右 ^_^ 出機場酒店章程說兩個半鐘, 我們只須個半鐘 (搭2pm的車), very good!
希望幫到你, have a nice trip!!

如果你最後一天搭京成線(上野-成田：Yen1000)去成田機場，咁就可以順便在上野買手信。不過，如果你係酒店check-out之後オ去，要考慮拎住大堆行李，真係好唔方便。如果搭酒店開出嘅機場巴士(Yen3000)，就可考慮一早搭JR去上野(單程唔記得係Yen160 或Yen190)，行佢三、兩個鐘(唔好咁認真，行吓算啦)，再回酒店搭車，似乎都係另一安排。

其實使セ係上野買，上野啲野有的都係大陸製，不過，唔去過唔心熄，就當係景點一遊吧！其實在機場入閘後，去閘口前近免稅店轉彎位，有許多日本包裝大大盒個種，賣1000yen一盒，草餅600yen3盒(細盒裝)可分散送給朋友，黑芝麻個隻幾好味，有好多人買。不過日本禮盒，好多包裝都係好靚，一係好甜，一係好咸，味就一般啦。

又或者你可以係之前嘅行程中，尾程停在上野，買手信兼食晚飯，咁就OK啦，不過唔好太夜去，上野賣手信嘅都幾早收檔(大概 7 點)。

最後一天就最為合適買手信,如果你在上野乘SKYLINER到機場,最遲下午2時左右要走.
來回新宿&上野最方便是坐山手線.如果你坐NARITA EXPRESS,就要下午2時回到新宿. 上野 至 新宿車程最多30分鐘.
至於上野有咩手信買?? 地道食物,平價服飾,各種野都有.但係你唔想為左買手信去上野的話,我覺得去到機場買都仲可以.這樣可以省半天去自己想去的地方.