急...請人解答牙套問題...

1.如果你係大牙要整牙套就用有合金好d,因為會硬淨d; 如果係門牙要整牙套,無合金就靚d, 但你要小心d,唔好食太硬嘢
2. 整牙套要 2 appointments:
1st appointment: 打麻醉針-->磨細隻牙-->印牙模俾工場做牙套-->戴臨時牙套(套住嗰隻磨
細咗嘅牙)
2nd appointment(about 1 week after the 1st appointment): 脫臨時牙套-->調較正式牙套-- >戴正式牙套(if it is fit)
3.戴住臨時牙套唔好食硬嘢&香口膠
4.如果唔小心甩左隻牙套( 臨時or正式牙套)落黎,記得拎埋隻牙套去搵牙醫
I hope the above information is useful for you!

1. 我貪靚，所以整無合金牙套。耐用與否就要睇牙醫嘅功夫。我有一隻門牙套整咗10多年都仍然好好，但有4條牙橋(牙橋即剝咗牙要借旁邊兩隻牙做力一齊做牙套)幾年就入菌(唔同牙醫做嘅)，第三個牙醫話果4條牙橋個位唔fit，好似啲女仔着咗露臍裝，而且其中一條牙橋下其然剝剩一隻牙腳(我貪有discount，幫襯公司合約牙醫)。因第三個牙醫係倫敦大學嘅牙醫，收得好貴，我舊年揾咗一個口碑好好又平啲嘅牙醫(每隻$1,500，但佢今年巳加價)拆晒4條橋重做新做牙橋。

2. 唔係一日攪得掂，因為要先印模俾工場做牙套。磨細隻牙後，牙醫就會整一個臨時牙套俾你套住嗰隻磨細咗嘅牙，戴住臨時牙套唔好食硬嘢，我就試過食食吓個牙套甩咗。至於幾時同你整果個正式牙套就要睇個工場幾時交貨。通常都要一個星期。

3.唔痛嫁，因為磨細隻牙之前會打麻醉針!