我想知相機三腳架上面個快拆座有咩用ga?

個快拆座 (Quick Release) 主要係用來提高拍攝者的機動性, 試想想如果我將相機固定於腳架上, 係一個地方拍攝完畢後要移去第二個位置, 但又唔係好遠, 無必要收起晒相機腳架再重新 setup, 呢個時候如果腳架有快拆座, 咁個快拆座可以好快咁連同相機一齊卸下, 之後就可以立即分開帶走 (要知道部份相機重量都唔少, 要單手托住腳架連相機一齊走真係好辛苦的), 我自己買腳架都選擇有快拆的類型.

另外, 一般名廠腳架的快拆座可以分開買, 有部份長砲鏡頭係直接 mount 到腳架的, 使用快拆座可以免去扭螺絲換鏡頭的時間, 只要每支長砲都安裝快拆片, 一裝一拆就可以立即換鏡頭, 方便非常.

BTW, 快拆座有好都有唔好的, 因為相機/鏡頭之間多了快拆片, 整體穩固性點都會比直接扭上去腳架低 DD (大多數情況下都 feel 唔到呢個分別), 而且有快拆設計的腳架亦會貴 D.

這塊是叫【相機快速轉載器】，行內稱附在相機個塊叫做【雞仔餅】，作用是令相機能快速的安裝在腳架上，免去上縲絲和拆縲絲的時間。