狗仔要打幾多枝針？狗仔兩個同可買返去屋企養？

狗仔由初出生第一個月開始要每個月打一支預防針, 直至打齊三支, 之後每年追加一支, 打齊針及滿五個月大可打瘋狗症針, 其實好多人誤會以為兩個月大先打預防針, 正常係四個星期大已經要打第一支針, petshop給你的針咭已係第二支針, 不過而家好多無良狗場為左慳皮唔同狗狗打第一支針, 尤其果d偷運大陸狗既根本無可能幫狗狗打第一支針, 更加無證明, 就算佢話你知有打你都唔信啦, 所以一般狗主為左安全計買左狗狗後由頭再打過, 費事中招囉! 正常出世滿一個月就要開始打針架喇!

你係想問兩隻一齊買返屋企, 定兩個月大買返屋企呀? 兩個月大可以買返屋企, 不過照顧要小心d囉, 最好三個月大先買啦! 如果兩隻一齊買就唔好喇, 因為bb狗要好多時間照顧, 萬一是但一隻有病會互相傳染, 睇醫生都睇死你, 最好等一隻大到六個月到先再買另一隻啦, 風險無咁大, 狗狗有咩事主人會担心死架

出世第2,3,4個月打一次, 之後每年一次
第五個月要入晶片, 瘋狗針, 之後每三年續一次狗牌

我都係養2隻狗仔, 不過唔係2隻同一時間買的! 所以最先買個一隻會吃醋同埋會唔鍾意之後買返黎個隻狗仔囉! 所以我覺得如果2隻都係細個一起養既會好d!

可參考以下網址, 希望可以幫到你
http://www8.discuss.com.hk/viewthread.php?tid=1445936&extra=page%3D1&page=1

2個月開始, 每月打一支, 合共三支
打完三支防疫針之後便可打瘋狗症針, 瘋狗症針是包埋狗牌的

同時買兩隻狗仔返屋企並唔係問題，但一定要小心d照顧，因為狗仔o既抵抗力好低，好容易一隻病左就另一隻都感染埋，所以要特別小心。

再者，你買佢返屋企前都要check清楚佢o既健康情況，因為狗店把咁多狗仔放埋一齊，都好容易染病。

最後，都係最重要，就係要養佢一世，唔好遺棄佢啦。

none
yes