我同K君 (我同佢都係女性)識左十幾年, 以前常常出來行街, 食飯, 睇戲, 這兩年她越來越忙, 要常常加班, 今年年初都好地地, 點知到我7月生日時, 原本她搵埋另一個朋友同我慶祝生日(呢十幾年, 年年都係咁慶祝), 今年佢無主動搵我, 叫左果個friend聯絡我, 亦無send ecard俾我 (以前一直都係佢主動搵我同send ecard俾我), 點知另一個朋友有事, 要改期, 到左約定果日, 輪到K君話唔得閒, 生日流流, 俾人推左2次都已經唔多老LIKE, 我同佢講, 既然大家咁忙, 不如唔駛慶祝, 反正都過左我生日, K君唔好意思咁話,不如再改另一日, 到了約定前一日, K君同我約實時間同地點, 點知到左約定當日上午, K君又再打電話俾我話唔舒服, 咁果日上午我又真係聽得出佢把聲變左鵝公喉, 咁樣都算, 最鬼嬲就係佢話: 你知你身子弱, 我費時出來傳染你啦, 呢番話真係激死我, 以前K君唔會咁樣推我的生日, 聽聞今年佢個個人生日都無同對方慶祝, (我唔知乜野事佢會咁樣), 而最近大家連email聯絡都無
更新1:
1. 你地覺得K君係唔係唔想同我做朋友?
2. 你地會唔會主動搵番K君?
3. 12月, 係K君生日, 如果你地你地係我, 會唔會同佢慶祝生日? (今年佢無同我慶祝生日)
我唔係咁貪心, 要人地請我食飯做生日, 對我來說, 自己生日, 人地請自己食飯, 到左人地生日, 自己請番佢, 都係打成平手, 無話邊個欠邊個, 只不過係響生日果日, 當做聚舊, 一起出來開開心心度過姐, 想不到識左10幾年, 都會變成咁
我真係好唔開心呀
唔該各位朋友, 俾少少意見我
唔該晒
