紐約芝士蛋糕唔熟?

呢個餅本身都要焗好耐, 另焗既方法都可以分為隔水焗, 或就咁焗, 如果, 你肯定材料既份量及整法都無出錯既, 就係焗出問題; 首先, 請問你是否較個焗爐溫度未夠? 因為, 每個焗爐溫度, 火力都不同, 所以, 有可能要較大D, 咁點先知道火考是否夠? 就要你焗既時候留意啦! 請問你焗緊既時候, 大概係開始焗緊之後約半小時左右, 你會發現個餅會開始發漲, 變得高身, 咁樣即係表示個餅裡面已開始熟緊, 如果, 你見果餅焗好耐都無漲過, 咁即係你個溫度要大D, 但要小心, 不要一次過較得過大; 又或你開始時先較到約190度, 如過高, 可稍為減低度數(即個餅未漲, 餅面已開始燶);
另, 你話--近餅底果個位ge係黏黏地--咁請問你是否用隔水焗既方法? 如是, 第一必須要包好D個餅模先, 一係包2層錫紙, 一係你就包完一層錫紙後, 先放入一個鍚紕兜, 才再放入有水既盤, 因為, 就算你點包得好, 但當焗緊既時候, D水是會滾起的, 一定會有一D入到個餅度;
我見有好多網友都話隔水焗較果會好D, 不過, 我整過兩次都沒有入水, 但口感跟在酒店食既都是一樣, 故你可以先試試不加水焗, 等成功左再試其他方法!

會不會是時間問題

http://www.rthk.org.hk/elearning/dessert/cake_nycheesecake.htm

你有無座水焗?可能入左水 or 有倒汗水
如果用甩底模, 最好用兩層鍚紙包, 安全d.

為食貓友教話要將錫紙包住個mould高啲， 即是包入/屈入少少， 又未至於拈到麵粉糊， 咁啲倒汗水就入唔到去喇!
不要反出錫紙，如果反出去，就會有"隙"位，所以d倒汗水就由呢條”隙”走入去，流到落底，所以整濕左個餅底。所以要包入。
http://www.leisure-cat.com/frm_5008.htm 有圖示

recipe可跟美味diy, 有movie添, 好好味架.
http://www.rthk.org.hk/elearning/dessert/cake_nycheesecake.htm

本身NEW YORK做出黎之後個FEEL都係濕濕地
如果你想知佢係熟左咪
最簡單方法就係用竹簽或者筷子督下佢
督到最入再拎返出黎
如果個CAKE熟哂你支筷子或或竹簽應該唔會有粉漿黏住
如果唔熟就會有粉漿黏住啦
如果你驚受熱唔平均一邊熟一邊唔熟
你可以係唔同位置督一下
如果全部都無問題咁你個CAKE就一定熟啦
CONFIRM左個CAKE真係熟左再搽酸忌廉去焗
咁就萬無一失

未住....
你果隻黏黏地即係點先
你要知new york cheese cake不嬲個口感都係濕濕地個wor
如果你果隻係濕濕地既就其實冇問題既
但係如果你果隻係仲好似粉漿禁樣黏黏地就一定係焗唔熟

我自己就係禁樣整既↓

攪好哂粉漿之後就倒入模, 之後有錫紙包模底, 之後係焗盤倒入大約2cm高既熱水
之後將已經包左好錫紙既蛋糕模放入去座水用170度焗30分鐘, 座水焗完30分鐘之後就拎個蛋糕出泥, 再放番個鐵架入焗爐, 再放番個蛋糕上個鐵架, 係蛋糕上面放一張錫紙, 再用170度焗10分鐘....
焗完拎出泥tan凍, 最後雪入雪櫃雪4-6個小時, 或者雪過夜都得, 我自己就雪過夜既, 係拎出去街果陣, 或者食之前先甩模做裝飾！裝飾完就大功告成！
希望幫到你丫
有咩問題可以再問我

蛋糕幾大同時間好有關係
我的經驗係你由混合至焗的配合方面出問題，加油！再嘗試