✔ 最佳答案
Day 2由京都去嵐山一般有3種方法：
(1) JR京都站坐JR嵯峨野線去嵯峨嵐山站
(2) 京都市內(如四条大宮站)坐京福電鐵嵐山本線去嵐山站；京福電鐵路線圖：
http://www.keifuku.co.jp/randen/index.html
(3) 坐京都巴士71、72、73、80、87系統到「嵐山」站下車
若你嚮11/12月旺季去嵐山，我唔建議你用方法(3)，因為可能會因為塞車而浪費時間。方法(1)-即JR嵯峨野線比較直接，因為小火車嵯峨站就嚮旁邊，但車程比京福電鐵耐同埋貴dd。
至於遊覽嵐山嵯峨野，遊玩既路線通常有2款：
路線a. 由京都去嵐山，遊覧天龍寺，渡月橋及大覺寺一帶之後去Torokko嵯峨站或Torokko嵐山站乘小火車去Torokko龜岡站。之後步行約10分鐘去JR馬堀站，再坐JR回京都。
路線b. 由京都去JR馬堀站，步行約10分鐘去Torokko龜岡站，再乘小火車去Torokko嵯峨站，然後遊覧天龍寺，渡月橋及大覺寺一帶。
其實冇話路線a定b好D~但若果你唔打算坐保津川激流o既話，其實我都建議你用路線b，因為由Torokko龜岡站去Torokko嵯峨站會比較易買飛，而你遊覧天龍寺及渡月橋一帶的時間可能會flexible一點，因為唔須要就住時間搭小火車。咁遊覧完嵐山之後就可以直接由嵐山坐阪急列車返大阪食dinner；阪急列車路線可以參考呢度：
http://rail.hankyu.co.jp/station/rosenzu.html
你若果早出發o既，7點前應該可以返到大阪。但要留意小火車o既班次都幾梳(差不多1小時一班)；睇睇：
http://www.sagano-kanko.co.jp/pc/f-time.htm
11/12月係遊覽嵐山o既旺季，建議你預先買定小火車o既車票先。小火車o既車票可以去關西機場、大阪、京都o既JR綠色窗口買。但小火車最特別o既5號卡車票(即露天果卡)只可以嚮嵐山買到；如果要坐5號卡o既，咁就要早d去買飛喇。
順帶一提，由天龍寺步行去大覺寺都幾甘；建議你嚮嵯峨小學站前站搭28號巴士，到大覺寺站落車。
呢度有個簡單o既嵐山交通地圖，你記住望一望，再對番上面講果d車站就應該會明白架喇：
http://www.sagano-kanko.co.jp/pc/map_4.htm
2006-11-23 17:35:03 補充：
1.四條大宮定烏丸？點都好，去JR馬堀站，就首先要坐地鐵或巴士去o左JR京都站先，然後坐JR嵯峨野線去JR馬堀站。2.路程B: 四條xx- JR京都站- JR馬堀站- 步行約10分鐘- Torokko龜岡站- 坐Torokko小火車- Torokko嵯峨/嵐山站- 行天龍寺，渡月橋一帶- 步行去嵯峨小學站前- 坐巴士去大覺寺站- 坐巴士回渡月橋一帶- 坐阪急列車返大阪
2006-11-23 17:35:20 補充：
3.若果坐JR京都去嵐山都係幾百yen，冇乜pass值得用。Day 1可以買京都巴士一日票：
http://www.city.kyoto.jp/kotsu/ticket/ticket.htm#bus_1day坐兩程巴士已經回本。
