如果結婚要女仔出一半錢.你地會原意嗎

如果個男既係無咩錢，女仔當然有責任幫手付一半，
因為而家D男仔唔係好高收入，而且拍拖時既洗費都不小，
所以好多都儲唔到錢的，要體諒 !

我今年岩岩結咗婚，我無計過自己比咗幾多(應該大部份添)，
亦都完全無介意過，因為我老公供樓已經好吃力 !

只要係深愛對方既，就唔好介意咁多，唔係會唔開心的 !
錢唔係好重要的 ! 只要佢對你係真心，點解仲要介意其他呢 ?

理性：
10萬for擺10-15圍，咁婚紗禮服呢？過大禮，嫁妝，回禮，請帖，餅咭．．．又點算呢？　你地的負擔應該會更大！

如果純粹係資金周轉唔到而去借, 婚後收了人情係可以即刻還錢的話, 就無問題, 不過你要還利息. 倒不如向家人借, 就算要計利息都唔駛比外人賺.

婚姻係要一同建立的，即係一同承擔及付出的，唔係只係男人出錢的，除非係有錢人家，男家為了體面，就係出錢迎娶妳

講心o個句：
無心儲錢, 又點會有心還錢呢?　有打算結婚都推動唔到佢儲錢，成婚後還錢的動力係咩呢？

如果係因為無儲蓄 (即係無計劃) 要為結婚而借錢, 妳就要衡量下, 他是否真的願意一齊承擔, 講真! 拍拖6年, 都冇計劃過儲錢, 到時佢唔還, 你地又結左婚一齊住.... 最後咪又係要妳幫手還. 何必呢?!

兩個人愛對方, 一齊生活, 要開心（但唔一定要有錢）. 所謂〝貧賤夫妻百事哀〞. 到時不歡而散乎!~

．你地真係無錢，就要簡單地結婚，坦明同屋企人傾，唔ok就唔好結，無為一身債

．若不是預計生ｂｂ，遲ｄ結婚都得，等佢有多點人生責任感及行動，儲下錢，為大家計劃一下先結囉

．結到婚，之後又點呢？要住，要生活費，又要還錢，相對現在的模式，相信有好大分別，（由唔儲錢，變成用好多錢一同生活，還錢）真係有能力一同承擔？

．〝有打算結婚〞是他心裡有打算，但沒有行動．．．．．這人可負托終生嗎？

不要為想結婚而結婚！

一般來講,擺結婚酒是不會蝕錢而會有錢賺.
1.只要其他的不要搞,如接新娘,不請錄影,只請人攝影,用數碼相機,不出相,各自上網睇,
2.不請人set頭化粧.自己去髮型屋,叫師傅set頭,話去飲,去大公司的美容櫃台化粧.
3.租衫不算貴,$1000有4套,
4.擺酒多請朋友,禮金$500x12=$6000 酒樓的酒席一般$4000 每席賺$2000
15席賺$30000.親戚中.特別老人與小孩多的家庭,不要閤府統請,多一張帖多一份人請.

唔好借呀......如果係我,我會覺得後悔(好似貼埋大床咁,等住嫁咁),還錢時自己個心都up
除非你好中意佢

結婚係開心的事,如果問銀行借錢宜結婚妳覺得開心嗎?
撗掂要還給銀行,不如儲兩、三年錢先念結婚的事啦!!
妳話係唔係先.

我覺得如果結婚應該男方負責的,但如果妳個男人沒有能力的話,
而你們又想結婚咁,大家一齊出錢囉,妳自己很唔很囉出來(姐),
因為結婚是大家的事,而不是一個人可以結的,
是大家的都要囉出來,這樣對大家都公平.

借錢結婚不是一個好辨法.

What's the difference?
Let's say your bf can get a loan of $100,000 to payoff the wedding. But afterwards, he will use most of his salary for the loan repayment, then you will have to pay for the household. So what's the difference if you pay now?

其實我覺得就無咩所為既結婚係雙方面既事！一人一Ｄ都ＯＫ既！
但如果你係介意既又吾係咁急結緍你可以要求男方由下個月開始儲錢結婚,一個月儲三千一年就有三萬六儲三年就可以有十幾萬,三年後結婚都吾係咩問題姐！如果佢愛你既一定做倒,三千只係我e.g.姐或者佢口力既儲多Ｄ咪快Ｄ羅！！

雖然結婚係兩個人既事
但我覺得...男方有責任照顧女方
冇理由大家各出一半錢
頂多男方出大份, 女方出少份

拍左6年拖.... 頭1,2,3年唔諗結婚
第4,5,6年都開始諗la
如果有意思結婚都應該儲下錢la
唔會10萬都要問銀行借卦....
究竟佢有冇好好咁計劃同你既將來架!?
仲有唔止結婚擺酒喎, 仲有婚後既生活呢?
如果佢冇儲蓄習慣既話... 我覺得對你將來既生活好冇保障
萬一有咩事要錢救急咁點算呀?
你要諗清楚係咪真係要將下半生交托比呢個人

仲有.... 如果而+冇錢... 不如遲d有錢先結
唔贊成問銀行借
一結婚就要揹條債上身... 好多時會因為錢而引起爭執
俗語都話貧賤夫妻百事哀~ 都係詳細計劃諗清楚d好~~~

我覺得唔應該借錢結婚,未有能力結婚咪唔好結婚住,
儲多兩年錢再睇情況啦,不過如果你真的到左要結婚
的時間(EXP:有左BB或年齡問題)就沒辦法了!

如果男方有錢當然是男方負責, 如果佢有都要你負責一半, 那便對你不好了.但現在
他沒此能力, 一人一半, 也不是不好. 不過, 可以的話試下遲D 結, 一儲蓄了3-5 萬再
借會好D, 否則連儲3-5萬也沒能力, 到時有頭家有支出, 還錢更難, 唔通拖到破產至
知咩!

除了擺油, 重有中午的西式宴客可考慮, 便宜很多. 我参加過, 在尖沙咀新世界中心地下一店內, 在海旁, 露天的, 有帳蓬,找來2-3 人拉小提琴,效果不錯.

2006-11-23 10:51:34 補充：
擺酒外還有很多支出, 化妝晚妝, 金飾, 利是, 過大禮, 結婚相,花車, 兄弟姊妹在過門當日的午飯, 借錢後你會發覺10萬不夠, 借多d, 你收回的人情, 不足還, 他如果沒力還款, 你一人要還曬. 以後日子如何過, 要三思. 不要以為人情可以還回那10萬, 如果請的是親戚多, 不一定能回本的.

我覺得只要在日後在還款上可以應付.
我相信是可以接受雙方在衡量經濟情況下合力承擔的.
最後是想說只要真心愛對方, 便不應用錢來計較.