買賣車位問題

1. 如上位人兄所講，有d車位係要跟據大廈公契做買賣，例如，買家身份必須為該屋苑之 業主、用者。
2. 買賣車位的程序與買賣樓宇手續一樣，一定要搵律師樓做買賣合約同埋樓契。
3.你可以不需透過經過地產代理進行是次交易(因為可以唔洗比佣金，如果你堅持搵地產的話，買賣雙方都要比樓價既1%作為地產佣金)
4. 由於大部份車位都係一百萬樓下，所以你可與賣家搵埋同一間律師樓做樓契(律師費會平d)。
4. 但有時買賣雙方想用唔同律師樓，因為覺得如果搵獨立一個律師可以保障到自己，所以呢樣野，你要自己決定。
5. 賣方需要負責費用︰(a) 律師費及雜費(大約由3500-5500不等, 此數只供參考)
(b) 補契費用(因為賣方賣個車位比你，賣方必須要有良好業權、
　　　　　　　　　　　　有時賣方既契據未必齊全，
所以要透過律師樓到土地註冊處索取，
一份文件約$250-300右左右)
(c) 地產代理佣金（如有）
6. 買方需要負責費用︰(a)律師費及
　　　　　　　　　　　雜費(土地查冊費、破產查冊費(成交日要睇下賣方有無破產）、
　　　　　　　　　　　註冊買賣合約、樓契、按揭（如有）費用)
(大約由4500-6500不等，此數只供參考）
　　　　　　　　　 (b)地產代理佣金（如有）
　　　　　　　　　　(c)厘印費（即印花稅），如果樓價係一百萬樓下，
　　　　　　　　　　　費用為＄１００
　　　　　　　　　　(d) 對數︰即差餉、地租、管理費(成交日前由賣方負責，
成交日後由買方負責)及管理費按金(如有)等

通常樓宇公契會寫明, 只有業主先可以買車位.......
所以你要投資車位, 必先係同一個大廈(屋苑) 買一個物業先...........