織頸巾的問題

你係織錯左呀........
你呢個方法係要黎織冷衫架.......因為你咁織法,
完成品會變成一面係平既, 而另一面係好似好多波浪既底呀.....

如果你唔係好織頸巾既, 咁我教你簡單既針法呀,
就係全部用低針, or全部用高針, 咁織出黎既頸巾就唔會卷架,
但平心而論, 個花我就唔覺好靚-,-
或者你可以學下細菠蘿釘呀....
就係同一行, 用一針高針, 一針低針咁織, 一路到尾,
但記住, 到你要翻轉織個時, 就要用番相反既方法,
即係原先你用高針做第一針既, 而家就要用低針,
咁你用呢個方法織, 織完條頸巾就會有一粒粒既效果呀,
都算幾靚架......^^

俾個貼士你, 如果你想條頸巾邊唔好"where"
就記住第一針唔好織, 就咁挑過另一邊就得, 而最後個針係高針,
咁你既完成品就會好平伏架.......
仲有........俾個簡單既pattern你呀^^

先起22針(大約既針數, 根據你既冷有幾粗, 但一定要係雙數)
第一行: 第一針挑過另一邊, (一低針, 一高針)重覆10次, 一高針,
第二行: 第一針挑過另一邊, (一高針, 一低針)重覆10次, 一高針,
就係咁重覆呢兩行, 直至你需要既長度就可以收針呀.......

仲有.......如果你想要格仔花既, 咁你可以改為兩針兩針咁,
就會變成格仔花架喇^^
唔明再問我呀.........

雖詳盡但略欠仔細

你織出黎既, 應該係 jessy (單邊), 特點係一邊成橫線形, 一邊成波浪形, 以及有捲邊既效果, 就算你用熨功去熨, 邊位亦會好自然咁捲起, 係無法改既

如果你唔想咁, 就要再織過, 建議織簡單既 1x1, 織後低面都係成橫線形, 會見到一針高起, 一針稍低, 具伸展性 (彈力), 呢種織法, 係完全無捲邊呢個問題既, 你可以試下 ^^

可能是你織得太緊了~
可以試試放鬆一點去織哦~
還是不行的話可能是你織錯針法了~

希望幫到你~~^^

沒有辦法，這樣織是一定會捲的，你不要用這個針法吧。