我想買DSLR Camera ....

我建議你唔好考慮SONY! 雖然A100係承繼KONICA MINOLTA 5D, 但以SONY既製造DSLR技術, 可以話係未到家, 質素仍待改善.
如果買DSLR, 都係離唔開兩大牌子--CANON同NIKON, 好多拍友都話CANON好過NIKON, 但以小弟用相機超過20年既經驗所得, CANON影人像會較佳, 但CANON鏡頭價錢高, 機身轉款速度過快, 令二手價勁插水, 買左新機用多三兩個月, 機價可以跌成一大截!
而NIKON機身較硬淨耐用, 鏡頭結像銳利/SHARP, 影人影景都十分出色, 而且機身保值, 正廠副廠鏡選擇特多; 缺點係NIKON機既觀景器暗左少少, 但唔係太嚴重, 屬於可以接受.
而邊度免息分期平, 要睇機價而定, 所有提供免息分期既舖頭都需要比charge, 係機價+3%, 例如機價$10000, 做分期的話就要加charge=$10300再除12, 即係月供$858.34, 不妨試下去多幾間打下價再決定.

每一個系統的拍出來的相片都各有長處，並不如樓上兄台所說，SONY不好！
在港澳，SONY的A100真的不受歡迎，但在內地，卻得到不少人歡心，A100的防手震的確是很大亮點。

如果不準備發燒，那一個牌子也沒太大問題，奧林巴斯E 500也可以，五千餘元有雙鏡頭，足夠玩一段時間，相片不用太多後期製作也見得人。
當然 PENTAX K100(防手震）、NIKON D40／D50、CANON 400D（千萬像素），亦可隨自己喜歡挑一部。

不過如果有機會發燒，那就要詳細考慮，因為DSLR一買了，就不是買一部機那麼簡單，是買整個系統（鏡頭、閃燈、配件）。同時不多不少會影響到，你將來和什麼影友做朋友。

另外不要以為 一買DSLR，就可以拍出靚相，很多用家都有這感覺：“點解DC影得仲靚？”（其實很多DC已內設執相功能）

所以買機前，先瀏覽各大攝影網站，吸收多點DSLR的資訊。

Sony那一部,試過之後發現出相的品質不太好,而且賣六千多元,不值得.
個人喜好是一直用開的nikon,如果新手玩的可考慮新出的D40,定價好像只需$4000以下,算是價廉物美,而且nikon鏡頭比較穩定,也不算特別貴.不過這部機我還未試玩過,不知出相質素如何.
如果budget多一點的話,可考慮D70或D80吧.質素和function也較好,價錢也算合理.
想免息分期的話,可以去一些大型連鎖電器店問問,價格方面其實分別不大,哪一間買分別不大的.