✔ 最佳答案
運動場d欄可以調較高低架...唔會話得一個高度既...
個欄要幾高係由大會決定..唔係個場地決定...
而唔同grade有唔同欄高....出面大賽一般只分成年組同青年組...男子成年100h係1.067米...女子成年100h係0.84米...青年男女子100米欄個欄就0.84米....
但係係學內既sportday既話...學校可能會將D欄較矮少少比d學生...間間學校唔同...我以前中學男甲乙都係0.84...男丙0.76...女甲0.84...女乙就0.76...呢樣你直接問返你學校既老師會清楚D....
你係咪本身未跨過欄呢~??
其實唔洗咁驚架...以我160高...個欄0.76米高...PATPAT都未到...0.84都只係大約係HIP度....其實就咁"LAM''都過到...更何況你跑緊...有速度架添...
其實最緊要就係過第一個欄既時候一定唔可以驚!!...就算你跑過去個陣真係驚你都要同自己講"唔好驚!"...因為其實你過左第一個欄之後你就會覺得個人放返無事...之後個D就會好順架啦....
其實都好少因為整到個欄而趺....
因為個欄你一"young''佢都會向前跌...你唔會趺...
跨欄基本要大步D跑過去...唔好細細步細細步....
起點同第一個欄有13米距離...人地會用7or8步...你唔得既就用9步...最好唔好11步咁多...
你可以係個欄前面2米度向起點跨跑...睇下幾多步去到起點...
如果跑單數步上欄...上欄個隻起跑個陣要放係後面....雙數就放前面....
一般係個欄前面2米度就起步跨...叫攻欄...
要將隻腳向正前方"young''出去...唔好向左向右,掃把腳...亦唔好太先近起...唔係好易會勾到個欄...同好哂力...
騰空既時候要"蛙"手...後腳大腿要用力收起過欄...keep住係水平位置...唔好趺左落黎...好似7字碼咁...勾起腳尖...身體向前傾...貼近大腿...眼望前..唔好望地下...keep住擺手....
糷後1米到係落點....
落欄之後身體唔好"咬"左後...要向前...收後腳膝蓋帶住過身即刻下一步扒地....
唔係就會好易踢左落個欄度...同好易失平衡趺架啦....
欄同欄之間有8.5米...跑3步...唔得既就5步啦...
最好係用單數步...因為咁你永遠用同一隻腳上欄...當然...如果你可以練到兩隻腳都上到欄就最好啦...突然錯左一步都仲跨到麻...但係如果你而家先練既話可能未必練得切....練死一隻腳先啦....
一落欄第1步最細...第2步最大...第3步就中...之後下一個欄....
如果5步既...都係頭尾最細啦...應該會越跑越快既...
記住係跨欄唔係跳欄...過欄個陣越貼近個欄...條拋物線越平越好越省力....
跑哂10個欄...用盡最後既力爆埋個10米...就完成...^^
如果想練習...
你平時可以練多D"young''牆....練上欄既感覺同動作....
坐係地下7字碼做劃手....
放個欄距離牆2-3隻腳掌位...個人企係個欄後面手放係牆上...練後腳過欄收腳同之後向前扒地個下...
其實好難就咁講哂你知...希望你會明我係度講緊乜啦...^^a
其實你可以返學校搵下d老師幫手,或問下d師兄師姐...佢地應該會幫到你同你練....
我以前係學校都成日教d師妹....
練習多d就得架啦...
祝你成功拎到好成績..^^...
