好 urgent ! 買萬寶龍筆

其實睇你想你男朋友有幾「出位」咯。你想佢帶支筆出來型d，佢有無人有既，你可以買支特別d既俾佢。
例如最近既一百周年紀念筆，筆頂個梅花標記唔再係一個白色膠，而係一粒六角星型鑽石，如果佢帶住呢支筆，你話係咪型到爆？包佢次次俾人讚都會諗起你。當然，呢筆一百周年筆就唔會太平，最平既簽字筆都要三千幾，最貴果款就二萬幾，但係香港係無既，係出來昆內地人，大陸先有果個款。
最普通最平果款呢，中環街市樓上有間專賣煙斗同名筆既，就經常都有平，大約1200左右，但係真係最普通果款，人有你有咁。有時碰o岩900幾都有得賣，我記得火車尖東站同福堂涼茶店旁邊有一間，試過賣到900幾，都算係我見過最平啦。
其他款呢，一般筆店都有啦，如果你想齊d，可以去「名筆店」，旺角雅蘭中心二期門口旁邊敦有間，算係幾平。但萬寶龍佢就唔會有太多款。

多而齊既款，通常係中環、尖沙嘴一帶既筆店。中環大街果幾間老店啦，或者星光行地下兩間店價錢都算OK，唔呃人既。

另一個唔錯既選擇當然係萬寶龍專門店啦，連個紙袋都係萬寶龍，而且包唔會買到假筆，人地又有晒出世紙，絕對係型既保証。但佢地專門店又係唔會有太多款，通常係最貴同最平果幾款，或者講，通常都係放最新既款。

有個貼士俾你，尖沙嘴加拿芬道，playlord對面有間筆店租約期滿，就執，有好多平貨，你可以去睇下，佢地萬寶龍款都幾多既。

2006-11-22 01:41:35 補充：
比較好service既萬寶龍專門店係海港城地下

http://www.montblanc.com/boutiquelocator/index_boutiquelocator.php

just find hong kong then can find the boutiquessss

Buy at Mont Blanc boutique with better price!

油麻地永安百貨都有。

妳可以去太子珠寶錶行or迪生or Lanecrowford FIND 吓　！

尖沙咀地鐵A出口轉右,屈臣士隔離有間賣萬寶龍筆

有埋墨水配架,佢仲會幫您包裝埋!

金鐘太古廣場有專門店，價錢則要看你看中那一款了。現在有些迷你款，價錢會平d，但得睇d都要千元。