唔識同我阿哥相處

我係應屆會考生，而我阿哥就係第一年當差。由於我阿哥細個果陣我爸爸掛住做生意，冇理佢，到我出世，我爸爸就投入番家庭，所以就錫我多Ｄ，
故此我阿哥一直都唔順超我同我爸爸。
最近，我阿哥當差，本來性格暴躁既佢變得更加火爆，佢有Ｄ咩唔中意就發晒癲。
至於 我，由於中五既關係，呢排開始出去補習，而有一、兩科既補習費就要由佢支付。
所以，佢呢排就恃住自己可以打份死人政府工就巴屎閉，成日呼呼喝喝。
有一次，我夜晚溫書，但廢事因為佢要睇波而騷擾到我，所以我去左自修室溫書，溫到10點幾就番屋企訓覺。
到凌晨3點，我起身再溫，因為諗住靜Ｄ易Ｄ入腦。但係我阿哥咁岩有波要睇，所以開廳既電視睇，但其實佢間房有電視的。我廢事咁夜同佢嘈，就自己去廚房溫書。過左陣，佢入廚房，就聲大夾惡咁話：你朝早冇溫書咩！？衣家先溫！？
果陣我真係好火滾！！！！佢睇電視阻住我住話我！我溫左佢唔知就當我錯！
所以我對佢既憎恨程度更加變本加厲。
我真係好辛苦，見到佢就好想死！根本唔識同佢相處！但我又要靠佢Ｄ補習錢…諗住搬出泥住又有排先得…我唔想再忍佢喇！我可以點？