喜劇之王對白

以下對白係賊人打死首個外賣仔之後出現的!

周星馳在門外大叫: 我係外賣仔, 我送外賣架

之後賊人開門, 放阿周星馳入屋

周: 你地好, 我係外賣仔.......
達: 得喇
周: 0下?! 茄蛋飯, 廿五個半, 多謝
賊甲: 你有叫咩 (指外賣)
達: 冇呀, 我都未叫....
周: 仲未叫?!
達: 會唔會送錯地方呀?
周: 7號嘛....
達: 7 號?!

之後達叔望望周星馳張外賣紙, 然後講: 1號呀, 你送番去1號啦

周: 咁你仲要唔要姐?
達: 都唔係我叫, 點要姐?!
周: 茄蛋飯喎....
達: heee...... (傻笑中) , 做咩呀, 傻左咩, 走啦
賊乙: 反正你想吃茄蛋飯, 我要左佢
達: 唔好啦, 人地叫架嘛
賊乙: 我話我要先呀, 過黎, 過黎呀...... (叫周星馳過黎)
達:咁俾我地先得唔得呀?

周星馳見到外賣仔既死屍, 開始六神無主.....

達: 咁岩既, 1號又係叫茄蛋飯
賊: 茄蛋好咩?
達: 茄蛋好呀, 維他命C豐富.........

周星馳想走, 之後俾個賊叫停: 喂, 你唔收錢呀?
周: 多謝廿五個半丫....
賊: 咁貴既?
周: 加底嘛.....
賊: 唔加底咩?
周: 三十六個八丫
賊: 唔加底仲貴過加底既?
周: 唔加底既十二個二
賊: 加底呢?
周: 三十六個八囉
賊: 頭先又話廿五個半?!
周: 呀.....係, 廿五個半囉
賊: 咁今日早餐賣乜呀?
周: 咩話?
賊: 今日早餐賣乜呀?
周: 火腿蛋囉
賊: 咁幾多錢呀?
周: 十二個二丫
賊: 加底呢?
周: 廿五個半丫
賊: 乜早餐都有加底既咩?!
周: 咁你加兩條腸都得既
賊: 咁我加夠三條腸夾埋幾多錢呀?
周: 咁好啦.....
賊: 幾多錢呀?
周: 我送外賣架咋....
賊: 我問你幾多錢呀?
周: 我唔知呀......
賊: 幾多錢?
周: 我真係外賣仔黎架....
賊: 你唔係外賣仔..........

達叔起身推撞周星馳, 然後講: 0靚仔, 老實講, 你係唔係外賣仔?
周: 我新入行架....
達: 新入行?!
周: 我唔知送外賣都要答咁多問題架
達: 仲扮野?!

達叔搜周星馳身.....
周: 做咩呀? 你係唔係差人呀?
達: 係呀, 得唔得丫?
周: 我真係外賣仔黎架......

達叔打周星馳幾野....
達: 喂, 冇野喎, 傻仔黎架喎, 唔信黎抄下啦, 抄下呀......
達: 靚仔, 今日我放你走, 以後你醒定D 呀....

砰..... 達叔俾賊人打左一鎗, 然後發生鎗戰, 最後周星馳執起達叔把鎗打死晒D賊.....

周: 對唔住, 我係臥底.......



其他自己買碟睇啦, 傳神好多, 好過乾睇文字對白。
以上內容由碟內對白邊聽邊打, 絕不是COPY別人的，支持原創答案，反對COPY......




一個前碟舖職員+電影迷上^^

　我係外賣仔, 送茄蛋飯。

我係外賣仔, 送茄蛋飯.