我想問下大家係點處理壓力ga?

我諗每個人, 0向每個階段, 都會有唔同既壓力, 壓力可以令一個人既工作效率提高, 但如果唔識得點樣去處理壓力, 可能會選擇逃避, 埋怨, 咁係對問題無幫助既, 有壓力你可以同朋友/ 同學/ 老師/ 屋企人傾下, 同下分擔下壓力會少好多, 另外做下運動, 去旅行散散心, 唔好成日對住部電腦/ 打機...

你都識講你係因為懶先會比老師鬧, 咁你咪唔好咁懶law,早d / 用多d 時間去準備, 如果功課難, 你就多d 同同學討論下, 或者問下老師, 其實個個老師都係會鬧人, (我覺得當面鬧人唔係太岩, 但希望你唔好太唔開心, 老師都係想你好) 唔鬧你地又點會聽丫? 老師對住你地咁勞氣, 你有書讀已經好幸福, 有好多人都無書讀, 三餐都成問題, 人生中我地要面對好多問題, 任何問題都最少有三個解決辦法, 唔好因為遇到挫折就放棄自己既生命, 要諗辦法去解決...

懶係人既天性, 你已經中四啦, 唔係叫你唔好去玩, 應該學下點樣分配自己既時間, 應該分配返d時間比自己讀書, 做功課, 我宜家做緊野, 以前中學時掛住打波, 唔好好讀書, 宜家我要好辛苦, 半工讀第五年, 先攞到個degree, 五年青春, 返工會支力, 有壓力, 面對好多唔同既人, 你宜家唔努力, 睇時十倍辛苦, 你入得名校, 競爭一定大, 最緊要唔好成日同人比較, 做好自己本份先啦, 會考做多d past paper 就得ga la,你試下訂一d目標比自己, e.g. 今個星期六我要做一份maths past paper (paper 1), 做好先比自己出街/ 獎勵下自己, 積極, 樂觀d去諗野la

2006-11-21 20:41:59 補充：
你父母要付出好多時間, 精力去賺錢養大你, 你將來出來社會做野/ 結婚你就會知道父母有幾辛苦, 要珍惜生命, 好好珍惜自己可以讀書既機會, 你有健康既身體, 有眼睛去看, 有手腳自由地活動, 這些就是你擁有的東西, 想想自己還擁有什麼?no pain, no gain種瓜得瓜, 種豆得豆

我已經讀完中5，坦白講有時真係好累。
1 ) 我會搵d自己鍾意既野做，例子：聽歌、睇小說，令自己心情可以放鬆d。或者寫下日記將當天所有事寫下甘樣好似放低左d壓力。不過其實要搵出主因，其實你係做吾足功課，驚比人話，甘咪做好當天既功課，吾好話難，一天24小時實搵到時間。
2 ) 其實無野既，我會甘樣同屋企人講，「我話得架啦」「我知架啦」「甘大個我知成績好緊要績」。你話中4先係甘定中2成績好都會甘話你，如果吾係家人見你做好d家課又有溫書，佢地多數都吾會有野講，其實佢地驚你成績會吾好。

比d心機啦~無父母吾想你吾好架!

我中7都試過一次咁,其實你d家人係為你好,唔係討厭你
你要永遠都向好既一方面諗
唔好入死角
我有一次差d想自殺,後來d社工幫左我