關於freelance model!!!

你好呀, 我自己係從事模特兒管理, 我唸我可以解釋一下freelance model 同合約model既唔同, 有咩可以做, 有咩唔可以做

簡單d講, freelance model, 冇咩準則, 你有咁既"客人" 係手, 你自己覺得可以接, 就去做, 個客一樣要casting你, 睇你啱唔啱佢地既要求, 但好坦白講, 除非一間model公司有某d原因要搵埋freelance model幫手, 大既客戶好少搵freelance幫手, 大客多數直接搵大既model公司既model, 因為有大model公司有信譽, 有保障, 有training, 有質素, 有體面, 所以freelance model好少有機會接到大客既job,

大客戶一樣會怕freelance model no show, 因為大家冇簽文件, 冇得追討, 所以有大既function, 唔會搵freelance, 換言之, freelance model要等有機會至可以做一個大job

你亦可以咁講 freelance model 好似自由d, 自己有權去選擇接咩job, 其實一間有規模既model 公司, 選擇job俾自己合約model 仲認真過你自己去選, 形象唔健康, 有危險既job, 公司可以唔接, freelance model就好多都因為唸住可以賺錢, 咩都ok, 唔會理對自己將來既model 事業會唔會有負面影響, 或者危唔危險, 都會接, 好簡單, 你係一個freelance model, 聖誕係LKF 某一個餐廳做function, 可能餐廳有幫員工同客人買保險, 但係你係去做freelance既嘢, 又唔係員工, 又唔係客人, 結果d客人飲得高興過頭, 一唔小心將個酒樽拋去你度, 結果你受左傷, 你當然唔會用少少既model fee去買保險, (你唔好介意我咁講, 除非你係一個好多年經驗既freelance, 你有gust開高d價, 如果唔係freelance 既model fee, 一定高唔過公司同你傾番黎既) 你受傷, 邊個賠償呢

再者, freelance model 好多時候做完個job, 等好耐都未有錢收, 香港多的是呀, 你只不過係一個freelance model, 你同佢冇簽任何法律文件, 你 no show, 佢嘈唔到你, 只係你個名會俾人傳得唔好聽, 但係都係應該, 因為你冇責任, no show喎, 但係如果你做足, 做突, 因為好多freelance model 唸住做好d, 希望有下一次既 job, 但係偏偏收唔到報酬, 咁你又嘈佢咩呢, 一來無文件, 二來你又冇足夠既錢同佢打官司, 你只係可以等, 到最後, 直頭收唔到既不知幾多.

好多人會同d model 講, 你有公司合約, 我唔搵你喇, 太煩喇, 所以咪好多合約model俾人"大" 到, 以為有合約會阻礙自己接job, 其實係因為如果個客要同公司deal, 一開始, 當所有嘢confirm左, 簽左文件, 個客要俾一半訂, 係個客黎講, 當然, 係一個好既客就會跟足去做, 但係如果佢搵freelance, 就冇呢回事, 再衰d, 做哂唔俾都仲得, 所以咪會問, 如果有合約, 我唔搵你喇, 好多model 係因為唔知, 或者唔想同公司分賬, 寧願冒呢個險囉

當然香港有好多有合約既model, 基於佢地既唔專業同短視, 會瞞住自己公司, 自己合約model既身份去接freelance job, 咁既情況就另作別論

如果你係有合約係身, 而有人搵你接 job, 最正確既做法係將個job 俾番公司同事同佢傾, 你有冇見過容袓兒自己去接 freelance既job, 唔同mani講, 你要知道, 合約係有法律效力, 你唔遵守, 公司係可以出律師信告你, 講真, 好多model 以為公司會同你分賬, 你要清楚知道, 公司同你點分賬, freelance job點分, 點處理, 係你同佢簽合約既時候, 一定會講得好清楚, 合約亦都講明, 所以一個有道德同專業既model, 係應該唔會自己去接freelance job, 如果俾公司發現, 就因少失大囉

如果想搵freelance model job, 可以上呢個網址睇下有無適知既, 又或者自己post 一個廣告等人聯絡你, 最好當然係有相啦

http://hk.88db.jobsdb.com/hk/views/showsearchresult.aspx?Q=&CatID=1028&SubCatID=1313