接待員的職責?

視乎你係大公司定細公司.
大公司的, 一般只做聽電話及接待客人. 所謂接待, 都只係有人入來公司, 你問佢有冇make appointment, 或者, 請佢出示證明; 有d大公司為保安理由, 要客人出示身份證及清楚講出同邊個有約.
General的, 就會係請個客坐係接待處, 然後就通知有關職員人客已經到訪. 如果係VIP或者老細級人馬, 會即時請客人進入指定房間, 問定客人要的飲品或需要, 再通知tea lady或有關人士預備.
至於細公司, 就乜都要做. 上述的事情固然要做, 仲要兼埋做tea lady, 安頓好晒所有嘢, 等埋個同事入去見客先叫做完成.
較為專業的話, 仲要係有需要時給予適當提示, 例如, 落雨天, 提醒客人要拎走雨遮. 客人走時, 要醒目睇睇客人會唔會留低物品之類. 仲有, 因為接待處係一間公司的第一道把關, 所以, 無論係打電話定係親身接觸, 都要好有禮貌, 同埋好醒水, 唔好畀人白撞. 例如, 有人無厘頭打來搵人, 就算係搵啱人, 都要問清楚對方的來意, 又要sure佢唔係白撞. 一間公司有五個陳先生, 如果有人話搵陳先生, 你要清楚佢搵邊一個; 有時, 可能根本係果五個陳先生都唔係個客要搵的人, 所以, 唔可以隨便搭條線入去.
亦要幫個客搵啱人, 例如, 一間律師樓, 有唔同的工作範疇(破產或離婚), 個客根本唔知邊個律師做邊種工作, 所以, 做接待的就要問明需要, 然後將線路轉畀適合的人聽.