有5呎9寸高o既女孩子請賜教--換季買衫買鞋問題 (30分題目)

我都有類似經驗......
如果置裝費真係好緊，唯一可以做就係等減價。
買褲----------好難，所以我著裙多。人地長裙變中裙、中裙變短裙、短裙變迷你裙。但人高又瘦，腿型靚，裙短d，襯對靴就ok....

買衫-----毛衣、內襯的衫都仲ok，當中袖/3/4袖著囉....褸果d......真係好難。
合身選擇...zara、馬莎果d鬼婆店，會好少少，正價太貴勒︳我都係等佢減價先買。

買鞋---------我又係去馬莎買多，季尾真係平，又一定有40-41碼(我著40)。季尾先$200一對，好鬼開心。
另外nine west果d都有大碼。

如果本地牌子、大陸造果d，我地呢d size買唔到勒..........

我都有五尺八,鞋穿四十, 你試吓於尖沙咀加連威老道看看吧! 款式雖然唔係好潮但我都覺得OK, size又夠大仲有好多平boot買 ^^