”感激的愛”和”發自內心的愛”（即男女之間個種）有什麼分別？

感激的愛係人地對你好,幫過你,你覺得佢好好人,好欣賞佢,中意佢.
發自內心的愛可以由好多原因衍生出來,一見鍾情,日久生情…好多好多.
當感激的愛和發自內心的愛變成左愛情之後,即係已經相愛,
就已經冇乜分別.
但係在兩個人一齊之前,就有分別.
感激的愛可以話係有義,發自內心的愛可以話係有情.
通常發自內心的愛比較真摰,因為你唔使佢為你做d乜都中意佢,就比較真心.
而感激ge愛呢~有時有d人係因為一個人幫過佢,佢就同佢一齊,但可能佢對佢只有感激之心,並非真係中意佢,係幾可悲ga~
但亦有d係因為人地救左你,你就好愛慕佢,好中意佢,都係真心ga~
又可以係a好中意b,a對b好好,默默為佢付出.
後來b覺得自己唔同a一齊會好衰,佢唔想辜負a對自己ge愛,就同佢一齊,就唔係真心.
但都可以係b因為好感激a,慢慢覺得好感動,比a打動左佢ge心,於是一齊,就係真心.
相對而言,感激的愛比發自內心的愛複雜,
發自內心的愛易明d,就係直接中意左一個人.
而感激的愛都有一日可以變成發自內心的愛ga!

感激既愛...係你對某人為你所做既事
心存感激...因而衍生愛意
係因為呢個人有恩於你

發自內心既愛...可以係不問理由...
唔知因為咩原因愛上左呢個人
愛就係愛
好多人明明好衰,但係都有人對佢地死心塌地
無得解,愛係無得解釋
當然亦都可以係有理由
譬如話,愛一個人
因為多年相處,覺得大家好有默契
好夾等
係真真正從心而發咁去愛一個人
兩者都係真心真意既愛

愛就係一種奇妙既東西~~

簡單來說
我認為

感激的愛
你會有好多point, 去愛依一個人

發自內心的愛
你唔會有太多point, 支持你去愛依一個人

但以上都唔係擇偶條件
其實, 如果你認為你有得揀
應該諗下邊類型人會適合你
會給你多一些快樂

靠feel去愛
可以最長hold一年
之後一係分手, 一係轉化為另一種感情....

我認為”感激的愛”是”發自內心的愛”的其中一部份，愛一個人除了感激還會有其他。
這個世界常告訴我們，有感覺就是愛，其實感覺也只是愛的其中一部份，真正發自內心的愛，還包括溝通、付出、包容、接納、相處、承諾、感激．．．．