連續兩次焗蛋糕都失敗.....

首先你要sure你係咪已經焗熟左個cake, 用竹簽督入去再炆返出黎, 睇下有無粉漿住支竹簽, 我平時會督哂中間都上下左右, 如果都無問題即係熟哂

另外焗蛋榚盤底係要加水, 不過你係用邊一類餅盤, 如果你用唔可以甩底果一類餅盤焗, 就咁係焗盤加水就無問題, 但係如果你用可以甩底果一類餅盤焗, 就咁係加水係個焗盤到, 個cake就係吸你個焗盤d水, 搞到個cake底濕哂...
用哩一類餅盤就要用錫紙包住個餅盤, 先再放上加左水o既焗盤上面

另外你話質地好似白糖榚咁發唔起, 咁應該係你d蛋糊打發得唔夠, 又或者係你打發好之後, 加其它材料入去時攪得太耐, 令到蛋糊裡面的空氣泡泡太少, 哩個cake應該係將蛋白同蛋黃分開, 而蛋白就加糖打
首先用慢速將蛋白同糖打勻, 之後先再慢慢加速將蛋白打發起, 打發起的蛋白應該拎起個打蛋器時會扣起, 唔會滴落, 表面有光澤的純白色
之後再加落其它材料時要分次加入, 大約三次左右, 加左之後快手拌勻, 但係拌時唔係用打蛋器而係用膠刮, 手勢應該係中間切入再翻起, 拌勻途中不時轉一下個兜, 拌好的麵糊應該立刻裝入餅盤拎去焗, 放太耐都會有影響, 所以開始做之前要先開著焗爐預熱

食譜寫的粟粉的而且確係鷹粟粉, 你無搞錯到

而脫模方面, 除非你係做海綿蛋榚或者食譜指定, 否則都唔需要即時脫模, 放涼之後脫模一來簡單好多, 而且仲唔會燙到手
另外將麵糊放入餅盤之前, 要塗牛油再加牛油紙或者麵粉, 多餘的麵粉倒出, 咁到你焗好脫模時就會輕鬆好多, 除此之外亦可以係餅盤方面著手, 市面有好多唔同款式同質地o既餅盤, 如果買有加防黏塗層的餅盤, 咁就算唔夠塗牛油唔夠都唔會痴實哂, 而用可以甩底o既餅盤, 咁焗好後脫模會容易好多..

我諗你都係同我整過同一個cheese cake
都係日式芝士蛋糕(不用他他粉),是嗎??
都係係為食貓果度搵到的...

呢個cheese cake無錯係要用2個唔同既溫度焗佢
我第一次整,個cake又係好似你果個咁

之後第2次,我將第一個溫度(230度)焗的時間加多10分鐘
因為個個焗爐都唔同,可能佢果d係專業d果d...

同埋我加多左少少栗粉,我落左2湯匙,其實我諗落2 1/2湯匙都ok
無錯,食譜寫的"栗粉", 是指"鷹栗粉"
目的都係想個蛋糕唔會"實正"d

我會用鍚紙包住蛋糕模個底,(加水係岩架)
因為就算旭得果d蛋糕模都會漏d蛋糕溶液出黎架!!
就算係cool果隻都會,除非你用好似電飯煲果d咁,
不過果d好似好難攞個蛋糕出黎咁........- -

你果個係咩蛋糕模??我果個係cool,2次都冇整爛
我估係因為你焗得唔夠耐掛...個蛋糕仲係好"淋"
仲有,個蛋糕凍左都會實d架啦,
雪落雪櫃之後會緊加實架,感覺係會比較"漏"~

你有無將蛋糕模包左鍚紙先放落水焗呀?

1. 你有無打起左蛋先呢? 係要打到你可以係面寫到個8字為之完成喎!
2. 你有無分開幾次落麵粉呢? 落左之後要快手攪拌
3. 係要落少少鷹粟粉的, 你無錯, 放心!
4. 你有無等蛋糕凍左先脫模呢? 如果蛋糕仲熱是好難脫模的, 另外你是否用緊甩底蛋糕模, 甩底模會較易HANDLE的

1.)蛋糕底濕: 蛋糕底盤不可以濕水, 要用蒸架格開.一個8"的蛋糕, 可用250cc 的水.不能太多. 一般焗完蛋糕後D 水會完全蒸發.
2.)加水的原因: 會令蛋糕面更加香脆
3.)糕質地有點像"白糖榚: 因為蛋黃同蛋白要分開攪拌.1)先將芝士打軟才逐少加蛋黃. 2)另外蛋白要少訐鹽和糖打至挺身.3)把自發粉慢慢篩入蛋白內.4)最後把蛋白糊倒入芝士糊,(記緊不要用機打)要用手拌勻.(180度) 45 分鐘就OK ! :)

係要加水在底盤焗，你有冇用兩個唔同溫度焗呢？
或者試下呢個食譜，我之前都係用呢個，效果都ok

日式芝士蛋糕之三 （不用他他粉）

如果想整日式芝士蛋糕，但又冇他他粉 ，不防考慮這個食譜啊 ，蛋糕食起來也很滑。
食譜及製作：阿貓

材料（15CM 摸，六人份量）

忌廉芝士 250克 　
牛油 30克 　
牛奶 125毫升 　
蛋白 2隻 　
蛋黃 2隻 　
砂糖 20克＋40克 　
栗米粉 (Corn Starch) 1 1/2湯匙 　

製作過程

1.
預熱焗爐230°C。材料要室溫。
　
2.
忌廉芝士和牛油用隔水加熱方法，打至軟滑。

3.
將蛋黃與20克糖拌勻，篩入栗粉拌勻。

4.
40克糖分兩次加入打蛋白至「企身」。何謂「企身」？用你的頭來試試咯！（即是將碗倒轉蛋白也不會掉下來。）

5.
加入（已經煲至滾的）鮮奶於（3）中，拌勻。

6.
將（5）倒入（2）中，拌勻成麵粉糊。

7. 將蛋白分次以切拌(fold-in)的方式加入（6）的麵粉糊中，拌勻。
8.
直徑15厘米的糕盆掃牛油，倒入麵粉糊。

9.
放入預熱焗爐，焗盆注入熱水，以蒸焗的方法用230°Ｃ焗12分鐘(或至金黃色)，後轉160°Ｃ焗約25分鐘，待涼後，切件供食(雪3小時才吃更佳）。

日式芝士蛋糕一（簡單好味）
　


　

圖片參考：http://www.ourrice.com/~Scorpio3210/recipe06-cheesecake03a_small.jpg


圖片參考：http://www.ourrice.com/~Scorpio3210/recipe06-cheesecake03b_small.jpg



焗日式芝士蛋糕




日式芝士蛋糕一（簡單好味）
　


　

圖片參考：http://www.ourrice.com/~Scorpio3210/recipe06-cheesecake03a_small.jpg


圖片參考：http://www.ourrice.com/~Scorpio3210/recipe06-cheesecake03b_small.jpg



焗日式芝士蛋糕
材料

忌廉芝士 125g
無鹽牛油 15g
鮮忌廉 15g
粟枌 15g
低筋麵粉
150g

蛋白 & 蛋黃 1隻
砂糖 50g
鹽 少許
做法

1)將30g砂糖分數次加入蛋白,打至企身

2)忌廉芝士置室溫下解凍至軟身,加無鹽牛油拌勻

3)加入剩餘的砂糖,蛋黃及鮮忌廉拌勻成麵糊

4)將(1)(3)混合,焗盤上放入蛋糕紙,倒入麵糊,以刮板刮平

5)預熱焗爐,取一較大及深的焗盤,注入適量的水,放入(3)的焗盤

6)以150度焗約一小時30分鐘,取出,趁熱進食