我想問有咩餐可以係30分鐘內弄好(有二十分加)

以前有人答過, 轉貼如下. 你真孝順哦~~~

1) 蒸水蛋 (我唔覺得隔夜有乜問題，叮完一樣好好味)
3隻蛋，加1:1既凍滾水，可以浸埋d蝦米瑤柱等。打勻左之後用篩篩佢，蓋好保鮮紙，中大火蒸10分鐘。加豉油、麻油都ok。
(2-3人份量)

2) 蜜糖豆or荷蘭豆or西蘭花炒肉類 (除左荷蘭豆會林晒之外、其他兩樣野都仲ok好食)

3) 腰果炒雜豆 (唔用腰果.. 用切粒既菜心都ok, 翻叮後都唔覺佢黃同埋老)
炒雜豆(響街市凍肉舖買兩蚊一小包) + 豉油or雞粉 + 炸好左既腰果

4) 咸魚 (正!)

5) 湯飯 (要用兩個盒, 一個放飯, 一個放湯)
冬瓜切粒 (菜檔買一小舊就ok), 蝦米, 瑤柱醉, 冬菇, 蟹柳, 火腿扒(1片), 水滾之後放晒d材料落去.. 等到冬瓜粒半透明就可以加雞粉熄火

6) 意粉
一罐忌廉雞湯, 一罐粟米蓉, 慢火煮勻佢，再撈埋d烚熟左既意粉，煮個汁果陣可以加d火腿粒/蟹柳粒

7) 蜜糖丸丸
買半磅丸丸 (貢丸, 魚蛋, 龍蝦丸, 墨魚丸等), 炒熟左.. 加一湯匙燒烤蜜糖，兜勻佢就ok~

8) 蕃茄蛋
炒好蛋(2-3隻加少少雞粉打勻)到8成熟, 兜返起, 蕃茄1個切6-8份, 之後落鑊炒蕃茄.. 再加調味: 蕃汁, 糖, 豆粉, 白醋, 水，做左個茄汁之後, 就加返d蛋落去炒勻。

9) 菜甫蛋
雜貨舖買1蚊菜甫, 洗洗佢切粒，之後落鑊炒2分鐘，再加入打勻左既雞蛋(2-3隻)，煎熟左就可以上碟。

10) 豆角炒蛋
菜舖買6條青豆角加鹽浸15分鐘之後切粒.. 落鑊炒幾分鐘(加少少鹽)，之後加入打勻左既雞蛋(含雞粉)，炒熟就ok~

11) 銀芽炒魚片(一條切片果d)

12) 節瓜/娃娃菜粉絲蝦米

我沒有圖，可是食物種類有:即食麫、炒飯，一係轉去Raimondi College Secondary Section 食,好味!(可靠的朋友說)

一大清早起來整早餐及午餐...唔夠時間喎...買現成的三文治/叮叮飯/大型百佳or惠康嘅單餸或燒味飯簡單快捷省時多......因為一早開爐加預備烹食已用去你30分鐘---仲有時間嗎???
自制最簡單就學日式的便當---早一晚烹多啲飯及餸,再砌靚啲或加啲新鮮烚的青菜.
緊記321---三份飯/兩份菜/一份肉.
可以再備些不同的飲品佐饍如豆漿/蘋果汁/脫脂奶等.
唔靠阿媽係好有孝心,但每天要早起自預全新鮮的午餐---你係全職學生喎---除非你係學廚啦:否則請善用時間好好預備每天接連不斷的功課/默書/測驗.簡簡單單去備好午餐咪諗得太複習了!!

如果你ok意粉的話，我有以下建議：

(1) 為方便起見, 你可一次過煮熟整包意粉, 方法：先煲滾水，再落些少鹽，放意粉落水，煮至「淋」身 (約8分鐘)，倒起過冷水，再把一次食用的份量逐一放入保鮮袋或其他器皿，放入冰箱，有需要時才取用
(2) 朝早可把一份意粉在冰箱取出，直接放入煲內煑至冰完全溶解，有需要可加入少量雞湯以防乾水，並再以罐頭湯作汁料 (不用開水), 直接加入意粉，煮至滾，再適量加入火腿、蔬菜、海鮮、芝士等，悉隨專便。這種煮法約需時10-20分鐘 (視乎處理食材的時間)

希望可以幫到你！

tomato and egg can done in20mins

最好既方法, 係食三文冶, 咁你可以係夜晚整定tim

如果想食熱既, 你可以整 -有味飯-, 即係煮飯時, 連的料一齊放去飯煲去煮, 煮好後, 一齊放入飯盒, 如果唔夠味, 加鼓油就夠 (果的料, 可以落雞 / 臘腸 / 臘鴨等)

重有一樣, 就係整焗飯, 即係焗豬扒飯果的, 的飯 /豬扒可以整定, 想食前加芝士焗10-20分鐘都夠

*** 不過最方便, 就勁係三文冶, 不過如果你同朋友仔一齊食, 就飯盒比較好的lu~~

** 希望幫到你 ^^ **